سرکاری خبر رساں ادارے اے پی پی کی رپورٹ کے مطابق ملک بھر 13 سو روپے اضافے کے ساتھ فی تولہ سونا 2 لاکھ 78 ہزار 3 سو روپے کا ہوگیا۔

آل پاکستان جیمز اینڈ جیولرز ایسوسی ایشن کے مطابق 24 قیراط 10 گرام سونا ایک ہزار 114 روپے اضافے کے بعد 2 لاکھ 37 ہزار 483 روپے سے بڑھ کر 2 لاکھ 38 ہزار 592 روپے کا ہوگیا۔

بیان کے مطابق 10 گرام 22 قیراط سونے کی قیمت 2 لاکھ 17 ہزار 693 روپے سے بڑھ کر 2 لاکھ 18 ہزار 714 روپے ہوگئی۔

آل سندھ صرافہ جیولرز ایسوسی ایشن نے جمعرات کو رپورٹ کیا کہ فی تولہ چاندی اور دس گرام چاندی کی قیمت بالترتیب 3 ہزار 350 اور 2 ہزار 872 روپے پر مستحکم رہی۔

ایسوسی ایشن نے رپورٹ کیا کہ بین الاقوامی مارکیٹ میں فی اونس سونے کی قیمت 2 ہزار 652 ڈالر سے بڑھ کر 2 ہزار 665 ڈالر ہو گئی۔