غیر ملکی خبر رساں ادارے کی رپورٹ کے مطابق محکمہ انصاف کی رپورٹ میں کہا گیا کہ ڈونلڈ ٹرمپ نے 2020 کے انتخابات کے نتائج کو تبدیل کرنے کے لیے انتخابی ووٹوں کی تصدیق میں رکاوٹ ڈالی اور جعلی انتخابی ووٹوں کا استعمال کرنے کی کوشش کی تھی۔

رپورٹ میں مزید کہاگیا کہ شواہد ٹرمپ کو سزا دلانے کے لیے کافی تھے لیکن ان کے دوبارہ صدر منتخب ہونے کے باعث مقدمہ ختم کر دیا گیا۔

دوسری جانب ڈونلڈ ٹرمپ نے تمام الزامات کی تردید کی اور جیک اسمتھ پر سیاسی دباؤ میں کام کرنے کا الزام عائدکیا۔

محکمہ انصاف کی رپورٹ میں 6 جنوری 2021 کے کیپیٹل ہل ہنگاموں اور خفیہ دستاویزات کیس کی تفصیلات بھی شامل ہیں۔