سرکاری خبر رساں ادارے ’اے پی پی‘ کی رپورٹ کے مطابق جیولرز ایسوسی ایشن نے بتایا کہ 24 قیراط فی تولہ سونے کی قیمت 4 ہزار 250 روپے بڑھ کر 2 لاکھ 87 ہزار 450 روپے پر پہنچ گئی۔

اسی طرح 24 قیراط کے حامل 10 گرام سونے کے نرخ 3 ہزار 642 روپے اضافے کے بعد 2 لاکھ 46 ہزار 440 روپے ریکارڈ کیے گئے ہیں جبکہ 22 قیراط 10 گرام سونا 2 لاکھ 25 ہزار 911 روپے میں فروخت ہوا۔

ادھر، فی تولہ چاندی کی قیمت 60 روپے اضافے سے 3 ہزار 431 روپے جبکہ 10 گرام چاندی کی قیمت 52 روپے بڑھ کر 2 ہزار 941 روپے ہو گئی۔

ایسوسی ایشن نے رپورٹ کیا کہ عالمی منڈی میں سونے کی قیمت 40 ڈالر اضافے سے 2 ہزار 751 ڈالر فی اونس ہو گئی۔

واضح رہے کہ 30 اکتوبر 2024 کو سونے کی فی تولہ قیمتیں 2 لاکھ 87 ہزار 900 روپے کی بلند ترین سطح پر پہنچ گئی تھیں۔