سرکاری خبر رساں ادارے ’اے پی پی‘ کی مطابق جیولرز ایسوسی ایشن نے بتایا کہ 24 قیراط فی تولہ سونے کے نرخ 2 ہزار 900 روپے بڑھ کر 2 لاکھ 89 ہزار 600 روپے کی بُلند سطح پر پہنچ گئے۔

اسی طرح 24 قیراط 10 گرام سونا بھی 2 ہزار 486 روپے مہنگا ہو کر 2 لاکھ 48 ہزار 285 روپے میں فروخت ہوا، جبکہ 22 قیراط کے حامل 10 گرام سونے کے دام بڑھ کر 2 لاکھ 48 ہزار 285 روپے تک جا پہچنے۔

ادھر، چاندی کی فی تولہ اور 10 گرام قیمت بالترتیب 31 روپے اور 27 روپے ضافے سے 3 ہزار 432 روپے اور 2 ہزار 942 روپے ریکارڈ کی گئی۔

ایسوسی ایشن نے رپورٹ کیا کہ عالمی منڈی میں فی اونس سونے کی قیمت 29 ڈالر اضافے سے 2 ہزار 772 ڈالر ریکارڈ کی گئی۔

واضح رہے کہ 30 اکتوبر 2024 کو سونے کی فی تولہ قیمتیں 2 لاکھ 87 ہزار 900 روپے کی بلند ترین سطح پر پہنچ گئی تھیں۔

2 روز قبل 22 جنوری کو 24 قیراط فی تولہ سونے کی قیمت 4 ہزار 250 روپے بڑھ کر 2 لاکھ 87 ہزار 450 روپے پر پہنچ گئی تھی۔