سرکاری خبر رساں ادارے ’اے پی پی‘ کے مطابق آل سندھ صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کا بھاؤ ایک ہزار روپے اضافے سے تاریخ کی نئی بُلند ترین سطح 3 لاکھ 9 ہزار روپے تک پہنچ گیا۔

اسی طرح 24 قیراط 10 گرام سونے کے دام 857 روپے بڑھ کر 2 لاکھ 64 ہزار 917 روپے ریکارڈ کیے گئے ہیں، جبکہ 22 قیراط 10 گرام سونا 786 روپے مہنگا ہو کر 2 لاکھ 42 ہزار 849 روپے میں فروخت ہوا۔

ادھر، فی تولہ چاندی کے نرخ بھی 28 روپے بڑھ کر 3 ہزار 468 روپے ریکارڈ کیے گئے جبکہ 10 گرام چاندی 24 روپے اضافے سے 2 ہزار 973 روپے میں فروخت ہوئی۔

ایسوسی ایشن نے رپورٹ کیا کہ عالمی منڈی میں بھی فی اونس سونے کی قیمت 9 ڈالر اضافے سے 2 ہزار 944 ڈالر تک جا پہنچی ہے۔

واضح رہے کہ گزشتہ روز (19 فروری) فی تولہ سونے کے نرخ 3 ہزار 800 روپے بڑھ کر 3 لاکھ 8 ہزار روپے کی بُلند ترین سطح پر پہنچے تھے۔

اسی طرح 24 قیراط 10 گرام سونے کے نرخ 3 ہزار 258 روپے اضافے سے 2 لاکھ 64 ہزار 60 روپے ہوگئے تھے جبکہ 22 قیراط 10 گرام سونا 2 ہزار 986 روپے اضافے کے بعد 2 لاکھ 42 ہزار 63 روپے میں فروخت ہوا تھا۔