ڈان نیوز کے مطابق جیولرز ایسوسی ایشن نے بتایا کہ 24 قیراط سونے کی فی تولہ قیمت 2 ہزار 550 روپے اضافے کے بعد تین لاکھ 17 ہزار 350 روپے کی بلند ترین سطح پر پہنچ گئی۔

اسی طرح 24 قیراط 10 گرام سونا 2 ہزار 186 روپے بڑھ کر 2 لاکھ 72 ہزار 76 روپے کا ہوگیا جبکہ 22 قیراط 10 گرام سونا 2 ہزار 4 روپے مہنگا ہو کر 2 لاکھ 49 ہزار 412 روپے میں فروخت ہوا۔

واضح رہے کہ گزشتہ روز (17 مارچ) ملک بھر میں سونا آج پھر گیارہ سو روپے مہنگا ہو کر 3 لاکھ 14 ہزار 800 روپے کی نئی بُلند ترین سطح پر پہنچ گیا تھا۔

اسی طرح 24 قیراط 10 گرام سونا 943 روپے مہنگا ہو کر 2 لاکھ 69 ہزار 890 روپے میں فروخت ہوا تھا جبکہ 22 قیراط 10 گرام سونا 865 روپے اضافے سے 2 لاکھ 47 ہزار 408 روپے تک پہنچ گیا تھا۔

اس سے قبل 14 مارچ کو فی تولہ خالص سونا 4 ہزار 700 روپے مہنگا ہو کر 3 لاکھ 14 ہزار روپے کی بُلند ترین سطح پر پہنچا تھا۔

اسی طرح 24 قیراط 10 گرام سونے کے نرخ 4 ہزار 30 روپے بڑھ کر 2 لاکھ 69 ہزار 204 روپے تک جا پہنچے جبکہ 22 قیراط 10 گرام سونا 3 ہزار 694 روپے اضافے سے 2 لاکھ 46 ہزار 779 روپے میں فروخت ہوا تھا۔