عہدیدار ریسکیو 1122 وزیر اسد نے ڈان کو بتایا کہ شدید بارش کے باعث لینڈ سلائیڈنگ کے نتیجے میں استور سے دشکان تک سڑک 24 گھنٹے سے بند ہے، مزید کہا کہ ایک کار مٹی کے تودے کی زد میں آگئی، جس سے ایک شخص جاں بحق اور دوسرا زخمی ہوگیا۔

دریں اثناء ضلع استور اور گلگت کا زمینی رابطہ بھی لینڈ سلائیڈنگ سے منقطع ہوگیا, ایک مقامی رہائشی رفیع اللہ نامی نے ڈان کو بتایا کہ استور میں برفانی تودہ گرنے سے سڑک بند ہوگئی۔

گلگت بلتستان حکومت کے مطابق اپر کوہستان اچھر نالہ کے علاقے میں مٹی کا تودہ گرنے سے گلگت بلتستان اور راولپنڈی کے درمیان زمینی رابطہ منقطع ہوگیا ہے۔

گلگت بلتستان ڈیزاسٹر مینجمنٹ اتھارٹی کے اسسٹنٹ ڈائریکٹر محمد ہارون نے جاری بیان میں مسافروں کو مشورہ دیا ہے کہ وہ ہوٹلوں میں رہیں اور لینڈ سلائیڈنگ کے خطرے کے پیش نظر سفر سے گریز کریں۔

ترجمان بلتستان پولیس غلام محمد کا ایک بیان میں کہنا تھا کہ بارش کے باعث لینڈ سلائیڈنگ سے شاہراہ بلتستان 2 مقامات پر بند ہو گئی، جس سے گلگت اور بلتستان کے 4 اضلاع کے درمیان زمینی رابطہ منقطع ہوگیا۔

انہوں نے مزید کہا کہ پھنسے ہوئے بہت سے مسافروں اور سیاحوں کو پھنسے چھوڑ دیا گیا ہے۔

محکمہ موسمیات نے آئندہ دو روز تک مزید برف باری اور بارش کی پیش گوئی کی ہے۔