سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کا بھاؤ 300 روپے کمی سے 3 لاکھ 49 ہزار 700 کا ہو گیا۔

اسی طرح 24 قیراط 10 گرام خالص سونا 257 روپے سستا ہو کر 2 لاکھ 99 ہزار 811 روپے میں فروخت ہوا، جبکہ 22 قیراط 10 گرام سونے کا بھاؤ 236 روپے تنزلی سے 2 لاکھ 74 ہزار 836 روپے ریکارڈ کیا گیا۔

ادھر، فی تولہ چاندی کی قیمت 16 روپے بڑھ کر 3 ہزار 417 روپے جبکہ 10 گرام چاندی کے نرخ 14 روپے اضافے سے 2 ہزار 929 روپے میں فروخت ہوا۔

ایسوسی ایشن نے رپورٹ کیا کہ عالمی منڈی میں فی اونس سونے کی قیمت 3 ڈالر گر کر 3 ہزار 326 ڈالر ہوگئی۔

واضح رہے کہ گزشتہ روز فی تولہ نرخ 2 ہزار روپے اضافے سے ملکی تاریخ میں پہلی بار 3 لاکھ 50 ہزار روپے کی نئی بُلندی پر پہنچ گئے تھے۔

اسی طرح 24 قیراط 10 گرام سونا 1715 روپے مہنگا ہو کر 3 لاکھ 68 روپے میں فروخت ہوا تھا، جبکہ 22 قیراط 10 گرام سونے کی قیمت ایک ہزار 572 روپے اضافے سے 2 لاکھ 75 ہزار 72 روپے ہو گئی تھی۔