ٹک ٹاک کی جانب سے جاری بیان کے مطابق صارفین کو مذکورہ فیچر صرف ٹک ٹاک اسٹوریز میں دستیاب ہوگا، جس کے ذریعے صارفین اپنی تصاویر کو اے آئی ویڈیو میں تبدیل کر سکیں گے۔

مذکورہ فیچر کو ’اے آئی الائیو‘ کا نام دیا گیا ہے، جس کے ذریعے صارفین اسٹوریز میں شیئر کردہ تصاویر کو ایک کلک کے ذریعے اے آئی ویڈیو سے تبدیل کر سکیں گے۔

فیچر کے تحت اگر کوئی صارف اسٹوری کیمرا کے ذریعے اپنی تازہ سیلفی بنائے گا تو اے آئی فیچر ان کی سیلفی کو اے آئی ویڈیو میں تبدیل کرنے کا آپشن فراہم کرے گا۔

اسی طرح صارف کی جانب سے نکالی گئی تصویر کو بھی اے آئی ویڈیو میں تبدیل کیا جا سکے گا، اے آئی ٹولز از خود تصویر یا سیلفی میں دوسری چیزیں شامل کرکے تصویر کو ویڈیو میں تبدیل کر دیں گے۔

یعنی اگر صارف کی کھلے میدان میں تصویر بنی ہوئی ہوگی تو اے آئی ٹولز تصویر میں بادل، پہاڑ، دریا اور سمندر سمیت دیگر نظارے بھی شامل کرنے کا آپشن فراہم کریں گے۔

اسی طرح صارفین اپنی تصاویر کو اے آئی ویڈیو میں تبدیل ہونے پر پسند نہ آنے پر ایڈٹ بھی کر سکیں گے۔

ٹک ٹاک کی جانب سے تصاویر کو اے آئی ویڈیوز میں تبدیل کیے جانے کے بعد ویڈیوز پر اے آئی کا لیبل بھی لگایا جائے گا جب کہ ویڈیو کو ڈاؤن لوڈ کرنے پر بھی معلوم ہوجائے گا کہ ویڈیو اے آئی کی مدد سے بنائی گئی ہے۔