ڈان نیوز کے مطابق ضلع وسطی میں لیاقت آباد کے علاقے سندھی ہوٹل کے مکینوں نے پانی اور بجلی کی عدم فراہمی پر احتجاج کرتے ہوئے ٹائر جلا کر سڑک بند کردی جس کے باعث مسافروں کو پریشانی کا سامنا ہے۔

احتجاجی مظاہرین کا کہنا ہے کہ صبح سے بجلی کی بندش کے باعث پانی کی کمی کا سامنا ہے، بجلی کی طویل غیر اعلانیہ لوڈ شیڈنگ کا سلسلہ مستقل جاری ہے جس کی وجہ سے روزمرہ معمولات بری طرح متاثر ہورہے ہیں۔

اہل علاقہ کا کہنا ہے کہ بجلی اور پانی کی فراہمی تک احتجاج جاری رہے گا۔