چائنا میڈیا گروپ (سی ایم جی) کی جانب سے 25 مئی کو ورلڈ روبوٹ باکسنگ مقابلہ مشرقی چین کے صوبہ ژیجیانگ کے شہر ہانگژو میں منعقد ہوا۔

انسان نما روبوٹس کو ہانگژو کی روبوٹکس فرم یونٹری نے تیار کیا ہے جو کہ روبوٹک ٹیکنالوجی G1 کی جدید ترین ٹیکنالوجی سے لیس ہیں۔

مذکورہ جدید روبوٹس چار فٹ تک لمبے جب کہ 35 کلو وزنی ہوتی ہیں، ان میں مختلف باکسنگ مہارتیں دکھانے کی صلاحیت ہوتی ہے۔

روبوٹس کے درمیان باکسنگ مقابلے کی نشریات کو براہ راست بھی دکھایا گیا، ان روبوٹس کو حرکت کی ہدایات دینا انسانوں کا کام تھا۔

ہائی ٹیک G1 ٹیکنالوجی کے حامل روبوٹس بنیادی جنگی چالوں، حریف کے مقابلوں سمیت دیگر چیزوں کو سمجھنے کی صلاحیت رکھتے ہیں ۔

ان روبوٹس نے باکنگ کی مختلف تکنیکیں جیسے جابز، ہکس اور کِکس شامل ہیں بھی سیکھ لیں ہیں۔

روبوٹس کو باکسنگ رنگ میں اتارے جانے سے قبل انہیں انتہائی سخت ٹیسٹ سے گزارا گیا تھا، جس میں جھٹکوں سے تحفظ، مزاحمت کا سامنا کرنا اور زیادہ گرمی سے بچاؤ جیسے ٹیسٹ شامل تھے۔

مذکورہ چائنا میڈیا گروپ کے ورلڈ روبوٹ مقابلہ سیریز میں روبوٹ فٹ بال اور باسکٹ بال کی سرگرمیاں بھی ہوں گی، جن کا آرٹیفیشل انٹیلی جنس (اے آئی) اور روبوٹکس میں جدید ترین پیشرفت کو ظاہر کرنا ہے۔

مذکورہ سیریز کا مقصد صنعتی ترقی کو فروغ دینا اور روبوٹک ٹیکنالوجیز کو اپنانے کی رفتار تیز کرنا ہے۔