سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل خالص سونے کا بھاؤ 2 ہزار 245 روپے تنزلی سے 3 لاکھ 59 ہزار 55 روپے ہو گیا۔

اسی طرح 24 قیراط 10 گرام سونا ایک ہزار 925 روپے سستا ہو کر 3 لاکھ 7 ہزار 831 روپے کا ہوگیا جبکہ 22 قیراط 10 گرام سونا ایک ہزار 765 روپے کمی سے 2 لاکھ 82 ہزار 188 روپے ریکارڈ کیا گیا۔

ادھر، فی تولہ اور 10 گرام چاندی کی قیمت بالترتیب 22 روپے اور 19 روپے اضافے سے 3 ہزار 878 روپے اور 3 ہزار 324 روپے ہو گئی۔

ایسوسی ایشن کے مطابق عالمی منڈی میں فی اونس سونا 20 ڈالر تنزلی سے 3 ہزار 378 ڈالر میں فروخت ہوا۔

واضح رہے کہ گزشتہ روز 24 قیراط کے حامل فی تولہ خالص سونے کی قیمت ایک ہزار روپے گر کر 3 لاکھ 61 ہزار 300 روپے ریکارڈ کی گئی تھی۔

16 جون کو 24 قیراط فی تولہ خالص سونے کی قیمت 700 روپے کمی سے 3 لاکھ 62 ہزار 300 روپے ہو گئی تھی، اسی طرح 24 قیراط 10 گرام سونے کی قیمت 600 روپے گر کر 3 لاکھ 10 ہزار 613 روپے ریکارڈ کی گئی تھی۔