برطانوی اخبار ’دی ٹیلیگراف‘ کے مطابق اٹارنی جنرل سے منسوب مشورے میں یہ سمجھا جاتا ہے کہ برطانیہ کو اپنی شمولیت کو صرف اپنے اتحادیوں کے دفاع تک محدود رکھنا ہوگا۔

گزشتہ روز برطانوی وزیراعظم سر کیئر اسٹارمر نے کوبرا وزارتی کمیٹی کا اجلاس منعقد کیا تھا، جس میں امریکا کی قیادت میں حملے میں شمولیت کے اختیارات پر بات چیت کی گئی تھی، جب کہ ڈونلڈ ٹرمپ نے اشارہ دیا کہ وہ اسرائیل کی جنگ میں شامل ہونے والے ہیں۔

یاد رہے کہ برطانیہ کی صلاحیتیں خلیج میں فضائی اور بحری لاجسٹک مدد فراہم کرنے سے لے کر اسرائیل کو نشانہ بنانے والے ڈرونز کو مار گرانے یا آبدوزوں سے ایران پر میزائل داغنے تک پھیلی ہوئی ہیں۔

مشرق وسطیٰ میں کشیدہ صورت حال کے دوران برطانوی اٹارنی جنرل رچررڈ ہرمیر سے منسوب مشورے کو اہم قرار دیا جارہا ہے۔