سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کی قیمت میں 460 روپے کی کمی ہوئی، جس کے بعد یہ 3 لاکھ 58 ہزار 595 روپے میں فروخت ہوا۔

اسی طرح 24 قیراط 10 گرام سونا 394 روپے سستا ہو کر 3 لاکھ 7 ہزار 437 روپے کا ہوگیا، جبکہ 22 قیراط 10 گرام سونے کی قیمت 361 روپے گراوٹ سے 2 لاکھ 81 ہزار 827 روپے ریکارڈ کی گئی۔

ادھر، چاندی کی قیمتوں میں بھی کمی کا رجحان دیکھا گیا، فی تولہ چاندی 58 روپے کم ہو کر 3 ہزار 820 روپے اور 10 گرام چاندی 49 روپے سستی ہو کر 3 ہزار 275 روپے میں فروخت ہوئی۔

عالمی منڈی میں سونے کی قیمت 6 ڈالر کمی کے بعد 3 ہزار 378 ڈالر فی اونس ہو گئی۔

واضح رہے کہ 16 جون کو 24 قیراط فی تولہ خالص سونے کی قیمت 700 روپے تنزلی سے 3 لاکھ 62 ہزار 300 روپے ریکارڈ کی گئی تھی۔

17 جون کو فی تولہ سونے کی قیمت ایک ہزار روپے گر کر 3 لاکھ 61 ہزار 300 روپے جبکہ 18 جون (گزشتہ روز) کو سونے کا بھاؤ 2 ہزار 245 روپے تنزلی سے 3 لاکھ 59 ہزار 55 روپے ہو گیا تھا۔