غیر ملکی خبر رساں ادارے ’رائٹرز‘ نے فلائٹ ریڈار کے حوالے سے رپورٹ کیا کہ پروازوں کے راستوں اور ایئر ٹریفک کنٹرول کی آڈیو کی بنیاد پر اس وقت متحدہ عرب امارات کی فضائی حدود بند ہے۔

واضح رہے کہ یہ پیش رفت ایسے وقت میں سامنے آئی ہے، جب ایران نے عراق اور قطر میں امریکی اڈوں پر میزائل حملے کیے ہیں، جبکہ دوحہ میں متعدد دھماکوں کی آوازیں سنی گئیں۔

اس سے قبل قطر نے خطے میں پیش رفت کے تناظر میں حفاظتی اقدامات کے تحت عارضی طور پر اپنی فضائی حدود بند کر دی تھی۔