پولیس کے مطابق منڈی بہاالدین کے ایک مدرسے میں مبینہ طور پر زہریلا کھانا کھانےسے 3 بچےجاں بحق ہوگئے جبکہ ایک طالب علم کی حالت غیر ہوگئی جسے ہسپتال منتقل کردیا گیا۔

پولیس کے مطابق جاں بحق بچوں میں 11 سالہ شاہزیب، 13سالہ سفیان اور 14 سالہ احسن شامل ہیں۔

پولیس کا کہنا ہے کہ چاروں بچوں نےکھانا کھایا تھا جس کے بعد ان کی طبیعت خراب ہوئی، اس سلسلے میں مزید تفتیش کی جارہی ہے۔

واضح رہے کہ پانچ روز قبل راولپنڈی میں زہرخورانی کا واقعہ پیش آیا تھا جس میں مبینہ طور پر زہریلا دودھ پینے سے تین بچے جاں بحق ہوگئے تھے، پولیس کے مطابق متاثرہ بچوں کی عمریں 8 ماہ سے 4 سال کے درمیان تھیں۔