گزشتہ کئی دنوں سے سوشل میڈیا پر پاکستان سپر لیگ (پی ایس ایل) کے دسویں ایڈیشن میں کوئٹہ گلیڈی ایٹرز کی نمائندگی کرنے والے نوجوان وکٹ کیپر بلے باز حسیب اللہ سے متعلق افواہیں گردش کررہی تھیں کہ وہ انگلینڈ منتقل ہوگئے ہیں۔

تاہم نوجوان کرکٹر نے اس حوالے سے اپنے انسٹاگرام پر ایک اسٹوری شیئر کی جس میں انہوں نے ان خبروں کو بے بنیاد قرار دیا۔

اپنی پوسٹ میں حسیب اللہ کا کہنا تھا کہ میں اپنے ڈومیسٹک کاؤنٹی کنٹریکٹ اور دیگر ذمہ داریوں کے سلسلے میں انگلینڈ آیا ہوں، تاہم میرا پاکستان چھوڑنے کا کوئی ارادہ نہیں۔

انہوں نے لکھا ’میں پوری لگن اور جذبے کے ساتھ اپنے ملک پاکستان کی نمائندگی کرنے کے لیے پرعزم ہوں‘۔

وکٹ کیپر بلے باز نے مداحوں سے اپیل کی کہ وہ کسی قسم کی افواہوں پر یقین نہ کریں، پاکستان زندہ باد’۔