سرکاری خبر رساں ادارے ’اے پی پی‘ کے مطابق آل پاکستان صرافہ جیولرز ایسوسی ایشن نے رپورٹ کیا کہ 24 قیراط سونے کی فی تولہ قیمت 3 ہزار روپے تنزلی سے 3 لاکھ 56 ہزار ہوگئی۔

اسی طرح 24 قیراط 10 گرام سونے کی قیمت بھی 2 ہزار 572 روپے سستا ہو کر 3 لاکھ 5 ہزار 212 روپے کا ہو گیا جبکہ 22 قیراط 10 گرام سونے کا بھاؤ 2 ہزار 358 روپے کمی سے 2 لاکھ 79 ہزار 787 روپے ریکارڈ کیا گیا۔

ادھر، چاندی کی فی تولہ اور 10 گرام قیمتیں بالترتیب 4 ہزار 14 روپے اور 3 ہزار 441 روپے پر مستحکم رہیں۔

ایسوسی ایشن کے مطابق عالمی مارکیٹ میں سونے کی قیمت میں 30 ڈالر گر کر 3 ہزار 335 ڈالر پر آ گئی۔

واضح رہے کہ گزشتہ روز 24 قیراط سونے کے 10 گرام کی قیمت بھی 600 روپے کمی کے بعد 3 لاکھ 8 ہزار 384 روپے سے کم ہوکر 3 لاکھ 7 ہزار 784 روپے ہوگئی تھی، جبکہ 10 گرام 22 قیراط سونے کی قیمت 2 لاکھ 82 ہزار 695 روپے سے کم ہوکر 2 لاکھ 82 ہزار 145 روپے ہوگئی تھی۔