سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ خالص سونے کی قیمت 300 روپے کمی سے 3 لاکھ 56 ہزار 400 روپے ہو گئی۔

اسی طرح 24 قیراط 10 گرام سونا 257 روپے تنزلی سے 3 لاکھ 5 ہزار 555 روپے میں فروخت ہوا جبکہ 22 قیراط 10 گرام سونے کا بھاؤ 235 روپے گر کر 2 لاکھ 80 ہزار 102 روپے کا ہو گیا۔

اسی طرح فی تولہ اور 10 گرام چاندی کے نرخ بھی 60 روپے اور 52 روپے کی کمی سے بالترتیب 3,963 روپے اور 3,397 روپے ریکارڈ کیے گئے۔

بین الاقوامی مارکیٹ میں سونے کی قیمت 3 ہزار 340 ڈالر سے کم ہو کر 3 ہزار 337 ڈالر ہو گئی۔

واضح رہے کہ 24 جولائی کو 24 قیراط سونے کی فی تولہ قیمت 5 ہزار 900 روپے تنزلی سے 3 لاکھ 59 ہزار روپے ریکارڈ کی گئی تھی۔

25 جولائی (گزشتہ روز) کو 24 قیراط کے حامل فی تولہ خالص سونے کی قیمت 2 ہزار 300 روپے کمی سے 3 لاکھ 56 ہزار 700 روپے ہو گئی تھی۔