نیشنل ایمرجنسی آپریشن سینٹر (این ای او سی) کے مطابق قومی ادارہ صحت (این آئی ایچ) میں قائم پولیو لیبارٹری کی جاری کردہ رپورٹ میں بتایا گیا ہے کہ پولیو سے متاثرہ بچی کی عمر 20 ماہ ہے۔

این ای او سی کی جانب سے بتایا گیا ہے کہ نیا کیس رپورٹ ہونے کے بعد رواں سال پاکستان میں پولیو کے مجموعی کیسز کی تعداد 24 ہو گئی ہے، والدین سے اپیل ہے کہ مہم کے دوران جب بھی پولیو ٹیم آپ کے دروازے پر آئے تو ان سے تعاون کریں۔

این ای او سی نے کہا کہ والدین اپنے پانچ سال سے کم عمر تمام بچوں کو پولیو سے بچاؤ کے قطرے لازمی پلوائیں، پولیو سمیت دیگر بیماریوں سے بچاؤ کے لیے اپنے بچوں کا حفاظتی ٹیکہ جات کا کورس بروقت مکمل کروائیں۔

حکام نے کہا کہ پولیو ویکسین کے دو قطرے آپ کے بچوں کو عمر بھر کی معذوری سے محفوظ رکھتے ہیں۔

یاد رہے کہ رواں سال اس سے قبل بھی خیبرپختونخوا اور سندھ میں پولیو کے کیسز رپورٹ ہوچکے ہیں۔ پاکستان ان چند ممالک میں شامل ہے جہاں پولیو وائرس اب تک موجود ہے۔