ترجمان ایف آئی اے کے مطابق ایف آئی اے امیگریشن نے طورخم بارڈر پر کارروائی کرتے ہوئے ایک مسافر کو گرفتار کرکے اس کے قبضے سے 25 افغان پاسپورٹ برآمد کرلیے۔

ترجمان کے مطابق ملزم نے مذکورہ افغان پاسپورٹ کولڈ ڈرنکس کے کین میں چھپائے ہوئے تھے اور ان پاسپورٹ پر تاجکستان کے ویزے لگے ہوئے تھے۔

ایف آئی اے کے مطابق گرفتار ملزم کا تعلق افغانستان کے شہر جلال آباد سے ہے، جسے گرفتار کر کے اینٹی ہیومن ٹریفکنگ سرکل پشاور منتقل کر دیا گیا ہے اور مزید تفتیش کی جا رہی ہے۔