خبر رساں ادارے اے پی پی کے مطابق آل پاکستان صرافہ جیمز اینڈ جیولرز ایسوسی ایشن کے اعداد و شمار میں بتایا گیا ہے کہ جمعرات کو 24 قیراط سونے کی فی تولہ قیمت 3 لاکھ 88 ہزار 600 روپے پر برقرار رہی، اسی طرح 10 گرام 24 قیراط سونا 3 لاکھ 33 ہزار 161 روپے اور 10 گرام 22 قیراط سونا 3 لاکھ 5 ہزار 408 روپے پر فروخت ہوا۔

آل پاکستان صرافہ جیمز اینڈ جیولرز ایسوسی ایشن کے مطابق عالمی مارکیٹ میں بھی سونے کی قیمت 3 ہزار 668 ڈالر فی اونس پر مستحکم رہی۔

دوسری جانب چاندی کی قیمتوں میں اضافہ ریکارڈ کیا گیا، 24 قیراط چاندی کی فی تولہ قیمت 31 روپے اضافے کے بعد 4 ہزار 418 روپے ہوگئی، جبکہ 10 گرام 24 قیراط چاندی 26 روپے بڑھ کر 3 ہزار 787 روپے تک پہنچ گئی۔

عالمی مارکیٹ میں بھی چاندی کی قیمت 0.31 ڈالر اضافے سے 41.91 ڈالر فی اونس ہوگئی۔