سرکاری خبر رساں ادارے اے پی پی نے آل پاکستان صرافہ جیمز اینڈ جیولرز ایسوسی ایشن کے تازہ ترین اعداد و شمار کے حوالے سے بتایا ہے کہ جمعہ کو 24 قیراط سونے کا فی تولہ ریٹ 4 لاکھ 7 ہزار 778 روپے رہا، جبکہ 10 گرام 24 قیراط سونے کی قیمت 3 لاکھ 49 ہزار 603 روپے ریکارڈ کی گئی، اسی طرح 22 قیراط سونے کے 10 گرام 3 لاکھ 20 ہزار 481 روپے میں دستیاب رہے۔

عالمی مارکیٹ میں بھی استحکام دیکھنے میں آیا جہاں سونے کی قیمت فی اونس 3 ہزار 865 ڈالر پر برقرار رہی۔

ایسوسی ایشن کے مطابق چاندی کے نرخوں میں بھی کوئی تبدیلی نہیں ہوئی، 24 قیراط چاندی کا فی تولہ ریٹ 4 ہزار 839 روپے اور 10 گرام 4 ہزار 148 روپے رہا، بین الاقوامی مارکیٹ میں چاندی کی قیمت فی اونس 47.40 ڈالر ریکارڈ کی گئی۔