آل پاکستان صرافہ جیمز اینڈ جیولرز ایسوسی ایشن کے مطابق ایک ہزار روپے کی کمی سے 24 قیراط کا فی تولہ سونا 4 لاکھ 18 ہزار 862 روپے پر آگیا۔

اسی طرح 24 قیراط کے 10گرام سونےکی قیمت857 روپے کی کمی سے 3 لاکھ 59 ہزار 106روپے ہوگئی جبکہ عالمی مارکیٹ میں 10 ڈالرکی کمی سے فی اونس سونا 3965 ڈالر پر آگیا۔

دوسری جانب فی تولہ چاندی کی قیمت 5 ہزار 34 روپے پر مستحکم رہی جبکہ 10گرام چاندی کے نرخ بھی 4 ہزار 315 روپے پر برقرار رہے جبکہ عالمی مارکیٹ میں بھی فی اونس چاندی 47.72 ڈالر پر مستحکم رہی۔