پاکستان نے جنوبی افریقا کے خلاف لگاتار تیسری ون ڈے سیریز جیتی ہے۔ جبکہ گرین شرٹس نے پہلی بار پروٹیز کو ہوم گراؤنڈ میں ون ڈے سیریز میں شکست دی ہے۔

فیصل آباد کے اقبال اسٹیڈیم میں کھیلے گئے میچ میں پاکستان نے پروٹیز کا 144 رنز کا آسان ہدف 3 وکٹوں کے نقصان پر 26ویں اوور میں حاصل کر لیا۔

اوپنر بیٹر صائم ایوب نے شاندار 70 گیندوں پر 77 رنز کی اننگز کھیلی، بابر اعظم 27 رنز بنا کر نمایاں رہے، محمد رضوان 32 اور سلمان علی آغا 5 رنز بنا کر وکٹ پر موجود رہے۔

جنوبی افریقہ کی جانب سے نیندرے برگر اور بیون فورٹن نے ایک، ایک کھلاڑی کو آؤٹ کیا۔

اس سے قبل، جنوبی افریقہ نے پاکستان کو جیت کے لیے 144 رنز کا آسان ہدف دیا، مہمان ٹیم 50 اوورز بھی پورے نہ کھیل سکی اور پوری ٹیم 37.5 اوورز میں 143 رنز پر ڈھیر ہوگئی۔

ٹاس جیت کر جنوبی افریقہ کی ٹیم نے پہلے بیٹنگ کا فیصلہ کیا، کوئنٹن ڈی کوک اور لہوان ڈری پریٹوریئس نے ٹیم کو 72 رنز کا عمدہ آغاز فراہم کیا، پریٹوریئس 39 رنز بنانے کے بعد آؤٹ ہوئے۔

تاہم، ڈی کوک نے ایک بار پھر ذمہ داری کا مظاہرہ کرتے ہوئے اپنی نصف سینچری مکمل کی وہ 53 رنز بناکر محمد نواز کا شکار بنے، ڈی کوک کے آؤٹ ہوتے ہی ابرار احمد نے پرویٹز بلے بازوں کو اپنے اسپن جال میں پھنسادیا لیکن بدقسمتی سے وہ اپنی ہیٹ ٹرک مکمل نہ کرسکے۔

ٹونی ڈی زورزی 2، روبین ہرمن 1، ڈونووین فریرا 7، کاربن بوش صفر، یورن فورٹین 3 رنز بنانے کے بعد آؤٹ ہوئے۔

قومی ٹیم کی جانب سے محمد ابرار نے 4، محمد نواز، سلمان علی آغا اور شاہین آفریدی نے 2،2 وکٹیں حاصل کیں

پاکستان ٹیم میں 2 تبدیلیاں کی گئی ہیں، حارث رؤف اور ابرار احمد کی ٹیم میں واپسی ہوئی ہے، جب کہ نسیم شاہ اور وسیم جونیئر کو ڈراپ کردیا گیا ہے۔

یاد رہے کہ اس سے قبل جنوبی افریقی اوپنر بیٹر کوئنٹن ڈی کاک کی شاندار ناقابل شکست سنچری کی بدولت مہمان ٹیم نے پاکستان کو دوسرے ایک روزہ میچ میں بآسانی 8 وکٹوں سے شکست دے کر سیریز ایک، ایک سے برابر کر دی تھی۔

اقبال اسٹیڈیم فیصل آباد میں کھیلے گئے میچ میں پروٹیز نے پاکستان کا 270 رنز کا ہدف بآسانی 2 وکٹوں کے نقصان پر 41 ویں اوور میں ہی حاصل کر لیا، ٹاپ آرڈر بیٹر نے کوئنٹن ڈی کاک ٹونی ڈی زور زی کی شاندار 153 رنز کی شراکت نے پاکستان کو فتح سے محروم کیا۔