خبر رساں ادارے اے پی پی کے مطابق آل پاکستان صرافہ جیمز اینڈ جیولرز ایسوسی ایشن نے کہا ہے کہ منگل کو 24 قیراط سونے کی قیمت میں 7 ہزار روپے فی تولہ کمی ہوئی، جس کے بعد سونے کی فی تولہ قیمت 4 لاکھ 30 ہزار 662 روپے سے کم ہو کر 4 لاکھ 23 ہزار 662 روپے رہ گئی۔

اسی طرح 24 قیراط سونے کے 10 گرام کی قیمت میں 6 ہزار 2 روپے کمی آئی اور یہ 3 لاکھ 69 ہزار 223 روپے سے گھٹ کر 3 لاکھ 63 ہزار 221 روپے ہو گئی، جبکہ 22 قیراط کا 10 گرام سونا 5 ہزار 502 روپے کمی کے بعد 3 لاکھ 38 ہزار 466 روپے سے کم ہو کر 3 لاکھ 32 ہزار 964 روپے رہ گئی۔

عالمی مارکیٹ میں بھی سونا 70 ڈالر سستا ہو گیا، اور اس کی قیمت 4 ہزار 83 ڈالر سے کم ہو کر 4 ہزار 13 ڈالر پر آ گئی۔

چاندی کی قیمت میں بھی کمی دیکھنے میں آئی اور فی تولہ چاندی 123 روپے سستی ہو کر 5 ہزار 368 روپے سے کم ہو کر 5 ہزار 245 روپے رہ گئی، جبکہ 10 گرام چاندی کی قیمت 106 روپے کمی کے بعد 4 ہزار 602 روپے سے کم ہو کر 4 ہزار 496 روپے رہ گئی۔

عالمی مارکیٹ میں چاندی کی قیمت بھی 1.23 ڈالر کم ہو کر 50.96 ڈالر سے 49.73 ڈالر ہو گئی۔