آل پاکستان صرافہ جیمز ایند جیولرز ایسوسی ایشن کے مطابق ہفتہ کو صرافہ مارکیٹ میں 24 قیراط کا فی تولہ سونے کی قیمت میں 5 ہزار 300 روپے کا اضافہ ریکارڈ کیا گیا جس سے فی تولہ سونے کی قیمت 4 لاکھ 44 ہزار 162 روپے ہوگئی۔

اسی طرح، 10 گرام سونے کی قیمت میں 4 ہزار 544 روپے کا اضافہ دیکھا گیا جس سے نئی قیمت 3 لاکھ 80 ہزار 799 روپے ہوگئی۔

دوسری جانب، عالمی مارکیٹ میں 53 ڈالرکے اضافے سے فی اونس سونا 4 ہزار 218 ڈالر پرپہنچ گیا جب کہ عالمی مارکیٹ میں فی اونس چاندی 56.37 ڈالرپرپہنچ گئی۔

ادھر، 267 روپے کے اضافے سے فی تولہ چاندی 5 ہزار 909 روپے پرپہنچ گئی، 10 گرام چاندی کی قیمت 219 روپے کے اضافے سے 5 ہزار 66 روپے ہوگئی۔