عینک والا جن کا پوسٹر- فائل فوٹو

زکوٹا، عینک والا جن ،ہامون جادوگر اور چڑیل  بل بتوڑی ناساں چوڑی ایک مرتبہ پھر ٹی وی اسکرین پر جلوہ گر ہو رہے ہیں۔

لاہور میں اس نئے ڈرامے کی عکس بندی شروع کردی گئی ہے۔

کوہ قاف کے جنوں،پریوں اور جادوگروں کی کہانیوں پر مبنی اس ڈرامے کے ڈائریکٹر حفیظ طاہراور پروڈیوسر زیب شہزاد کا کہنا ہے کہ ڈرامے میں بچوں کو تفریح کے ساتھ ساتھ  اصلاح اور اخلاقی درس بھی دیا جائے گا۔

ہامون جادوگر کا کردار ادا کرنے والا اداکار حسیب پاشا اور جن کا کردار ادا کرنے والا قیصر شہزاد اس ڈرامے کی ری میکنگ پر خوش دکھائی دیتے ہیں ان کا کہنا تھا کہ یہ ڈرامہ پچھلے ڈرامے کی طرح ہی پسند کیا جائے گا۔

ڈرامے کو مزید دلچسپ بنانے اور حقیقت کا رنگ بھرنے کے لئے تھری ڈی اور اینیمیشن ٹیکنالوجی کا استعمال کیا جا رہا ہے۔