ٹیٹو ہاتھ پر بنا پوا۔ - اے پی فوٹو

اسلام آباد: طبی ماہرین نے کہا ہے کہ جسم پر ٹیٹو بنوانے سے ہیپاٹائٹس کی بیماری ہونے کے امکانات بڑھ جاتے ہیں۔

نیو یارک یونیورسٹی لنیگون میڈیکل سنٹر میں ہونے والی تحقیق کے دوران یہ بات سامنے آئی ہے کہ جسم پر مشینی آرٹ کے ذریعے مختلف قسم کے ٹیٹو بنوانے سے ہیپاٹائٹس ہونے کے امکانات میں اضافہ ہوتا ہے جس سے جگر کے کینسر کا خطرہ بھی لاحق ہو سکتا ہے۔

امراض کو کنٹرول کرنے والے امریکی سنٹر کی رپورٹ کے مطابق 3.2ملین امریکی بے احتیاطی کی وجہ سے ہیپاٹائٹس اور دوسری مختلف بیماریوں کا شکار ہیں۔

نیو یارک لینگون میڈیکل سنٹر کے محقق فرتزفرینکوئس نے خبردار کیا ہے کہ ہیپاٹائٹس ہونے سے جگر کا کینسر لاحق ہونے کے 70فیصد چانسز بڑھ جاتے ہیں لہٰذا ایسے مشغلوں سے اجتناب کرنا چاہیے۔