پاک افغان سرحد پر نیٹو کنٹینر۔ فائل تصویر

کوئٹہ: پولیس کے مطابق جمعے کے روز مسلح دہشتگردوں نے چمن کے مقام پر نیٹو کنٹینرز لے جانے والے ایک ڈرائیور کو گولی مار کر ہلاک کردیا ہے۔

پولیس کے مطابق چارشرپسند دو موٹر سائیکل پر سوار تھے اور انہوں نے پاک افغان سرحد پر واقع چمن کے علاقے میں امریکہ اور نیٹو کیلئے چمن کے راستے تیل لے جانے والے ایک ٹینکر کے ڈرائیور کو نشانہ بنایا جو ہلاک ہوگیا۔

واردات کے بعد شرپسند فرار ہونے میں کامیاب ہوگئے۔

پولیس کے مطابق یہ واقعہ چمن میں واقع گرڈ سٹیشن کے قریب پیش آیا۔ ان کے مطابق کنٹینر میں نیٹو اور امریکی افواج کیلئے تیل موجود تھا۔ واقعے کے بعد فرنٹیئر کور کے اہلکار جائے وقوع پر پہنچ گئے اور واقعے کے تفتیش شروع کردی ہے ۔ فی الحال کسی گروپ نے واقعے کی ذمے داری قبول نہیں کی ہے۔