ٹانک پولیس کے ترجمان کے مطابق پولیس کی بکتر بند گاڑی گومل پولیس اسٹیشن سے ٹانک کی جانب جا رہی تھی کہ راستے میں اسے نشانہ بنایا گیا، دھماکے کے نتیجے میں 6 پولیس اہلکار شہید ہوگئے۔

پولیس ترجمان نے بتایا کہ شہدا میں ایک ایڈیشنل اسٹیشن ہاؤس آفیسر بھی شامل ہے۔

ریسکیو 1122 نے شہدا کی لاشیں ٹانک ڈسٹرکٹ ہیڈکوارٹر اسپتال منتقل کیں۔

واقعے کے بعد پولیس نے علاقے کو گھیرے میں لے لیا جبکہ سرکاری خبر رساں ادارے اے پی پی کے مطابق سکیورٹی فورسز کی جانب سے بڑے پیمانے پر سرچ آپریشن جاری ہے۔

کے پی گورنر کی رپورٹ طلب

گورنر خیبر پختونخوا فیصل کریم کنڈی نے واقعے پر پولیس کے اعلیٰ حکام سے فوری رپورٹ طلب کر لی، گورنر ہاؤس سے جاری بیان کے مطابق انہوں نے گہرے رنج و غم اور غصے کا اظہار کرتے ہوئے شہدا کے اہل خانہ سے تعزیت کی۔

فیصل کریم کنڈی نے کہا کہ خیبر پختونخوا پولیس کے بہادر جوانوں نے عوام کی جان و مال کے تحفظ کے لیے جامِ شہادت نوش کیا اور انہوں نے شہدا پر فخر کا اظہار کیا۔

ان کا کہنا تھا کہ بھارت کی سرپرستی میں سرگرم فتنہ الخوارج کی کارروائیاں ہمارے حوصلے پست نہیں کر سکتیں۔

گورنر نے صوبے میں امن و امان کے قیام کے لیے تحریک انصاف کی زیر قیادت صوبائی حکومت سے عملی اقدامات اٹھانے کا مطالبہ بھی کیا۔

قوم کے پُرامن کل کے لیے آج کی قربانی

صدر مملکت آصف علی زرداری نے دہشت گرد حملے میں پولیس اہلکاروں کی شہادت پر گہرے دکھ اور افسوس کا اظہار کیا۔

ایوانِ صدر سے جاری بیان کے مطابق انہوں نے پولیس اہلکاروں کی بہادری اور ملک کی خدمت کے جذبے کو خراجِ تحسین پیش کیا۔

صدر نے شہدا کے درجات کی بلندی اور لواحقین کے لیے صبر جمیل کی دعا کی۔

وفاقی وزیر داخلہ محسن نقوی نے بھی حملے کی شدید مذمت کرتے ہوئے پولیس کے پانچ اہلکاروں کی قربانیوں کو سراہا۔

وزارت داخلہ کے مطابق محسن نقوی نے کہا کہ پولیس کے بہادر جوانوں نے قوم کے پُرامن کل کے لیے آج کی قربانی دی، اور شہدا کی عظیم قربانیاں ہمیشہ یاد رکھی جائیں گی۔

ڈان اخبار میں شائع خبر کے مطابق پنجاب فرانزک سائنس ایجنسی کی تیار کردہ یہ رپورٹ مئی 2023 میں سابق وزیر اعظم عمران خان کی گرفتاری کے بعد پشاور میں ریڈیو پاکستان کے دفتر میں توڑ پھوڑ کی فوٹیج پر مبنی ہے۔

گزشتہ ماہ عدالت نے حکم دیا تھا کہ ویڈیو کلپس فرانزک جانچ کے لیے بھجوائے جائیں اور رپورٹ پیش کی جائے۔

اس موقع پر وکیل دفاع کی جانب سے فوٹیج کی افادیت یا قانونی حیثیت پر کوئی سوال نہیں اٹھایا گیا تھا۔

حکام نے تجزیے کے لیے وزیر اعلیٰ سہیل آفریدی، سابق صوبائی وزرا تیمور سلیم جھگڑا اور کامران بنگش اور تحریک انصاف کے دو دیگر رہنماؤں عرفان سلیم اور عامر خان چمکنی کی تصاویر اور ویڈیو کلپس فراہم کیے تھے۔ ان میں سے کسی کو بھی اس کیس میں نامزد نہیں کیا گیا تھا۔

رپورٹ میں پی ایف ایس اے نے دو نکات پر رائے دی: آیا یو ایس بی میں موجود ویڈیوز اصلی ہیں اور آیا جن افراد کی پروفائل تصاویر دی گئیں وہ ویڈیو کلپس میں نظر آتے ہیں یا نہیں۔

رپورٹ کے مطابق وزیر اعلیٰ سمیت پانچوں افراد ویڈیوز میں دکھائی دیتے ہیں تاہم یہ وضاحت نہیں کی گئی کہ آیا یہ ویڈیوز ریڈیو پاکستان حملے سے متعلق ہیں یا کسی اور واقعے کی ہیں۔

البتہ رپورٹ میں کہا گیا کہ ویڈیوز میں کسی قسم کی ایڈیٹنگ نہیں کی گئی، سوائے مختلف کیمروں سے بنائی گئی فوٹیجز کو یکجا کرنے کے۔

اس کیس سے باخبر ایک قانونی ماہر کے مطابق اس شواہد کے بعد تفتیشی افسر ضمنی چالان کے ذریعے مزید ملزمان کو انسداد دہشت گردی عدالت میں نامزد کر سکتا ہے جبکہ عدالت خود بھی اس معاملے کا نوٹس لے سکتی ہے۔ اسی طرح پاکستان براڈکاسٹنگ کارپوریشن بھی فرانزک رپورٹ کی روشنی میں ملزمان کی شمولیت کے لیے درخواست دائر کر سکتی ہے۔

غیر متعلقہ ویڈیوز

رپورٹ کی تفصیلات سوشل میڈیا پر وائرل ہونے کے فوراً بعد تحریک انصاف کے کئی رہنماؤں نے کہا کہ یہ ویڈیوز ریڈیو پاکستان کے اس واقعے کی نہیں ہیں جو 10 مئی 2023 کو اسلام آباد میں عمران خان کی گرفتاری کے بعد پیش آیا تھا۔

تحریک انصاف کے رہنما تیمور سلیم جھگڑا نے کہا کہ یہ بات دلچسپ ہے کہ یہ مہم وزیر اعلیٰ اور ان دیگر افراد کے خلاف چلائی جا رہی ہے جنہیں اس کیس میں کبھی نامزد ہی نہیں کیا گیا۔

ان کے مطابق اسکرین شاٹس کے ساتھ شیئر کی جانے والی پوسٹس کا ریڈیو پاکستان سے کوئی تعلق نہیں۔ ان کا کہنا تھا کہ پنجاب کی لیب صرف یہ رائے دے رہی ہے کہ ویڈیوز اصلی ہیں یا نہیں۔

انہوں نے بتایا کہ پہلی ویڈیو کا اسکرین شاٹ تو پشاور میں فلمایا ہی نہیں گیا بلکہ وہ اسلام آباد میں 9 مئی کو عمران خان کی گرفتاری کی مذمت کی ویڈیو ہے۔

انسداد دہشت گردی عدالت نے کیس کی آئندہ سماعت 26 جنوری کو مقرر کی ہے۔

یہ مقدمہ انسداد دہشت گردی عدالت میں زیر سماعت ہے، جس میں 75 ملزمان، جن میں موجودہ اور سابق ارکانِ اسمبلی بھی شامل ہیں، پر 3 جون 2025 کو متعدد الزامات کے تحت فرد جرم عائد کی جا چکی ہے۔ مقدمہ 10 مئی 2023 کو ایسٹ کنٹونمنٹ تھانے میں درج کیا گیا تھا۔

ناقابل تردید شواہد

وزیراطلاعات پنجاب عظمیٰ بخاری نے اس حوالے سے کہا ہے کہ پشاور میں ریڈیو پاکستان اور ٹول پلازوں پر تحریک انصاف کی جانب سے کیے گئے حملے ایک منظم سازش کا حصہ تھے اور فرانزک رپورٹ میں ناقابل تردید شواہد سامنے آ چکے ہیں۔

ان کے مطابق رپورٹ میں پشاور کے واقعات کا مکمل فرانزک تجزیہ شامل ہے، جسے ویڈیوز اور تصاویر سے تقویت حاصل ہے۔

انہوں نے کہا کہ یہ تمام شواہد کسی بھی عدالت میں قابلِ قبول ہیں اور ہنگامہ آرائی میں ملوث افراد کو انصاف کے کٹہرے میں لایا جائے گا۔

لاہور سے امجد محمود نے بھی اس رپورٹ میں تعاون کیا۔

پولیس کے مطابق جمعہ کو کنڑا چینہ کے علاقے میں ایک دینی مدرسے کے قریب ریموٹ کنٹرول دیسی ساختہ بم نصب کیا گیا تھا، جس کا ہدف مولانا سلطان محمد وزیر تھے، جو وفاق المدارس العربیہ کے ضلعی صدر بھی تھے۔

دھماکے کے بعد مولانا سلطان محمد کو فوری طور پر علاج کے لیے ڈیرہ اسماعیل خان منتقل کیا جا رہا تھا تاہم وہ راستے میں ہی دم توڑ گئے۔

لوئر جنوبی وزیرستان کے ڈسٹرکٹ پولیس آفیسر محمد طاہر شاہ وزیر نے واقعے کی تصدیق کرتے ہوئے بتایا کہ دھماکے کی تحقیقات جاری ہیں اور قانون نافذ کرنے والے ادارے تمام پہلوؤں کا جائزہ لے رہے ہیں۔

ان کے مطابق جائے وقوع سے حاصل کیے گئے شواہد کا تجزیہ کیا جا رہا ہے تاکہ ذمہ دار عناصر تک پہنچا جا سکے۔

مولانا سلطان محمد پر حملہ گزشتہ دو برسوں کے دوران جنوبی وزیرستان، بالخصوص وانا اور برمل تحصیل میں جے یو آئی ف کے رہنماؤں اور دینی علماء کو نشانہ بنانے کے واقعات کی تازہ کڑی ہے۔

جے یو آئی ف کے سربراہ مولانا فضل الرحمن نے سوشل میڈیا پلیٹ فارم ایکس پر جاری بیان میں مولانا سلطان محمد کی شہادت پر گہرے دکھ اور افسوس کا اظہار کرتے ہوئے انہیں ایک مخلص اور بہادر رہنما قرار دیا۔

انہوں نے کہا کہ یہ واقعہ کسی ایک فرد پر نہیں بلکہ اعتدال، امن اور جمہوری سوچ پر حملہ ہے، اور جے یو آئی ف انہی اقدار کی علمبردار ہے۔

مولانا فضل الرحمن نے کہا کہ باجوڑ کے بعد جنوبی وزیرستان جیسے مذہبی طور پر اہم خطے میں امن اور آزادی کے حامی علماء کو نشانہ بنانا ایک نہایت تشویشناک رجحان کی عکاسی کرتا ہے۔

انہوں نے یاد دلایا کہ مارچ 2025 میں جنوبی وزیرستان کے امیر ایک بم دھماکے میں شدید زخمی ہوئے تھے اور تاحال ملتان کے نشتر اسپتال میں زیر علاج ہیں، جبکہ جون 2024 میں سابق ضلعی صدر مولانا مرزا جان وزیر بھی ایک دہشت گرد حملے میں زخمی ہو کر بعد ازاں جاں بحق ہو گئے۔

مولانا فضل الرحمن نے کہا کہ جے یو آئی ف جیسی جماعت، جو اعتدال، برداشت اور آئینی جدوجہد پر یقین رکھتی ہے، کو نشانہ بنانا نہایت افسوسناک اور لمحۂ فکریہ ہے۔

انہوں نے کہا کہ علماء پر ہونے والے یہ حملے نہ صرف سیکیورٹی اداروں کی ناکامی اور غفلت کا ثبوت ہیں بلکہ اس پُرامن بیانیے کو دبانے کی سازش بھی ہیں جسے جے یو آئی ف برسوں سے ملک بھر میں، خصوصاً قبائلی علاقوں میں فروغ دے رہی ہے۔

مولانا فضل الرحمن کے مطابق ایسے علماء کا واحد جرم یہ ہے کہ وہ بندوق کے بجائے دلیل، نفرت کے بجائے محبت اور انتشار کے بجائے امن کی بات کرتے ہیں۔

انہوں نے کہا کہ جے یو آئی ف نے ہمیشہ ظلم اور تشدد کی مخالفت کی، آئین اور قانون کی بالادستی کی بات کی اور ریاستی دائرے میں رہتے ہوئے اصلاح اور امن کی جدوجہد کو اپنا شعار بنایا۔

مولانا فضل الرحمن نے قومی سلامتی کے ذمہ دار اداروں سے مطالبہ کیا کہ وہ اپنی آئینی اور اخلاقی ذمہ داریاں پوری کریں، بالخصوص قبائلی اضلاع میں علماء کے تحفظ اور امن کے قیام کو یقینی بنائیں اور ان واقعات میں ملوث عناصر کو کیفر کردار تک پہنچائیں۔

انہوں نے اس عزم کا اعادہ کیا کہ جے یو آئی ف ملک میں امن، مذہبی ہم آہنگی، جمہوری اقدار اور آئین کی بالادستی کے لیے اپنی جدوجہد ہر قربانی کے باوجود جاری رکھے گی۔

امن کمیٹی کے سربراہ پر حملہ

دوسری جانب جنوبی وزیرستان کی تحصیل سرویکئی کے علاقے بروند میں امن کمیٹی کے سربراہ قدیم خان کی گاڑی کو بھی دیسی ساختہ بم کے ذریعے نشانہ بنایا گیا۔

اپر جنوبی وزیرستان کے ڈی پی او ارشد خان کے مطابق دھماکے میں گاڑی کو شدید نقصان پہنچا تاہم قدیم خان معمولی زخمی ہوئے اور محفوظ رہے۔

پولیس کے مطابق سیکیورٹی اہلکار فوری طور پر جائے وقوعہ پر پہنچے، علاقے کو گھیرے میں لے کر زخمی رہنما کو مقامی اسپتال منتقل کیا گیا۔

ڈی پی او نے بتایا کہ ابتدائی تحقیقات کے مطابق حملہ آئی ای ڈی کے ذریعے کیا گیا اور واقعے کے ذمہ داروں کی گرفتاری کے لیے سرچ آپریشن شروع کر دیا گیا ہے۔

فوج کے شعبہ تعلقات عامہ کے بیان کے مطابق یہ کارروائیاں 8 جنوری کو کی گئیں اور ہلاک ہونے والے دہشت گرد بھارتی پراکسی فتنہ الخوارج سے تعلق رکھتے تھے۔

فتنہ الخوارج وہ اصطلاح ہے جو ریاست کالعدم تحریک طالبان پاکستان سے وابستہ دہشت گردوں کے لیے استعمال کرتی ہے۔

بیان میں کہا گیا کہ شمالی وزیرستان ضلع میں دہشت گردوں کی موجودگی کی اطلاع پر سیکیورٹی فورسز نے انٹیلی جنس بیسڈ آپریشن کیا۔ کارروائی کے دوران فوجی دستوں اور دہشت گردوں کے درمیان شدید فائرنگ کا تبادلہ ہوا جس کے نتیجے میں چھ دہشت گرد مارے گئے۔

اس کے علاوہ کرم ضلع میں پولیس اور سیکیورٹی فورسز نے مشترکہ انٹیلی جنس بیسڈ آپریشن کیا۔ فائرنگ کے تبادلے میں پانچ خوارج کو ہلاک کر دیا گیا۔

بیان کے مطابق دہشت گردوں سے اسلحہ اور گولہ بارود بھی برآمد کیا گیا، جو سیکیورٹی فورسز، قانون نافذ کرنے والے اداروں کے خلاف متعدد دہشت گردانہ کارروائیوں اور بے گناہ شہریوں کی ٹارگٹ کلنگ میں سرگرم رہے تھے۔

آئی ایس پی آر نے مزید کہا کہ علاقے میں دیگر دہشت گردوں کے خاتمے کے لیے کلیئرنس آپریشنز جاری ہیں اور ملک سے بیرونی سرپرستی اور حمایت یافتہ دہشت گردی کے ناسور کے مکمل خاتمے تک انسداد دہشت گردی مہم پوری شدت سے جاری رہے گی۔

وزیر اعظم شہباز شریف نے کامیاب کارروائیوں پر مسلح افواج کی پیشہ ورانہ صلاحیتوں کو سراہا۔ وزیر اعظم آفس کے مطابق انہوں نے کہا کہ دہشت گردی کے مکمل خاتمے تک جنگ جاری رکھی جائے گی۔

انہوں نے کہا کہ پاکستان کی مسلح افواج اور پولیس ملک دشمن عناصر کے خلاف برسرپیکار ہیں اور پوری قوم ان کے شانہ بشانہ کھڑی ہے۔

صدر آصف علی زرداری نے بھی سیکیورٹی فورسز کی کوششوں کو سراہتے ہوئے کہا کہ عوام کی جان و مال کے تحفظ میں سیکیورٹی فورسز اور قانون نافذ کرنے والے اداروں کا کردار قابل تحسین ہے، سرکاری ریڈیو پاکستان نے رپورٹ کیا۔

خراسان ڈائری کے مطابق یہ ہدایت حافظ گل بہادر کی جانب سے دی گئی جو نام نہاد اتحاد المجاہدین پاکستان کے سربراہ ہیں اور یہ پیغام چند روز قبل ایک آڈیو پیغام کے ذریعے ان کے ساتھیوں تک پہنچایا گیا۔

یہ ہدایت کابل کے اس مؤقف کے بھی برعکس دکھائی دیتی ہے جس میں کہا جاتا رہا ہے کہ پاکستان کو درپیش دہشت گردی کا مسئلہ ایک اندرونی معاملہ ہے۔

افغان سرزمین اور جنگجوؤں کے پاکستان میں دہشت گرد حملوں کے لیے استعمال کا معاملہ طویل عرصے سے اسلام آباد اور کابل کے درمیان شدید اختلاف کا باعث بنا ہوا ہے، جو سرحدی جھڑپوں تک جا پہنچا اور بالآخر گزشتہ برس اکتوبر میں پاک افغان سرحد کی بندش پر منتج ہوا۔

حالیہ مہینوں میں پاکستان کی سول اور عسکری قیادت مسلسل یہ مؤقف اختیار کرتی رہی ہے کہ ملک میں جاری دہشت گردی کی جڑیں افغانستان سے ملتی ہیں۔

گل بہادر کی یہ ہدایت ایسے وقت میں سامنے آئی ہے جب بڑھتے ہوئے عالمی دباؤ کے پیش نظر افغان طالبان اپنے پاکستانی ساتھیوں پر دباؤ ڈال رہے ہیں، اور یہ کابل میں گزشتہ ماہ کے اوائل میں جاری کیے گئے علما کے ایک فرمان کے بعد سامنے آئی ہے جس میں یہ عہد کیا گیا تھا کہ افغان سرزمین کسی غیر ملکی ملک کے خلاف استعمال نہیں ہوگی۔

یہ فرمان افغان طالبان کے سپریم لیڈر ہیبت اللہ اخوندزادہ کے اس سے قبل دیے گئے بیان کے بعد جاری کیا گیا تھا، جسے بڑی حد تک نظرانداز کر دیا گیا تھا۔

پولیس کے مطابق لکی مروت کے تھانہ لکی سٹی کی حدود میں سیمنٹ فیکٹری جانے والی بس پر دھماکے کے نتیجے میں ایک شخص جاں بحق جبکہ دو خواتین سمیت 9 افراد زخمی ہوگئے۔

ضلع پولیس کے ترجمان قدرت اللہ نے بتایا کہ سیمنٹ فیکٹری کے کارکنوں کو لے جانے والی گاڑی کو بگوخیل روڈ پر نواردہ خیل کے علاقے کے قریب فتنہ الخوارج کے دہشت گردوں نے نشانہ بنایا۔

ریاست کی جانب سے فتنہ الخوارج کی اصطلاح کالعدم تحریک طالبان پاکستان سے تعلق رکھنے والے دہشت گردوں کے لیے استعمال کی جاتی ہے۔

پولیس کا کہنا ہےکہ زخمیوں کو فوری طور پر قریبی اسپتال منتقل کیا گیا، تمام زخمیوں کو طبی امداد فراہم کی جا رہی ہے تاہم بعض زخمیوں کی حالت تشویشناک ہے۔

پولیس نے واقعے کی تحقیقات شروع کر دی ہیں جبکہ علاقے میں سکیورٹی مزید سخت کر دی گئی ہے اور سرچ آپریشن بھی شروع کر دیا گیا ہے۔

اسپتال انتظامیہ کے مطابق حملے میں زخمی ہونے والوں میں دو افراد کی حالت تشویشناک ہے۔

واضح رہے کہ دہشت گردوں کی ریکارڈ ہلاکتوں کے باوجود 2025 میں پاکستان میں دہشت گردی کے واقعات میں نمایاں اضافہ دیکھا گیا، جہاں دہشت گرد حملوں میں سال بہ سال 34 فیصد جبکہ دہشت گردی سے متعلق ہلاکتوں میں 21 فیصد اضافہ ہوا۔ سال کے دوران ملک بھر میں مجموعی طور پر 699 دہشت گرد حملے ریکارڈ کیے گئے۔

اسلام آباد میں قائم پاک انسٹی ٹیوٹ فار پیس اسٹڈیز کے جاری کردہ اعداد و شمار کے مطابق اس تشدد کے نتیجے میں کم از کم ایک ہزار 34 افراد جاں بحق جبکہ 13 سو 66 افراد زخمی ہوئے، جو 2021 میں افغانستان میں طالبان کے اقتدار میں آنے کے بعد سے جاری شدت پسندی کے بڑھتے ہوئے رجحان کی عکاسی کرتا ہے۔

اتوار کو خیبرپختونخوا کے اضلاع لکی مروت اور بنوں میں نامعلوم مسلح افراد کی فائرنگ سے ٹریفک پولیس کے تین اہلکاروں سمیت چار پولیس اہلکار شہید ہو گئے تھے۔

ضلع پولیس افسر کے ترجمان قدرت اللہ نے ڈان کو بتایا کہ تینوں ٹریفک پولیس اہلکار دل بیگو خیل کے قریب ڈیوٹی پر موجود تھے کہ موٹر سائیکل پر سوار نامعلوم دہشت گردوں نے ان پر فائرنگ کر دی۔

ترجمان کے مطابق تینوں اہلکار موقع پر ہی شہید ہو گئے۔

انہوں نے بتایا کہ شہید ہونے والوں میں ٹکٹنگ آفیسر انچارج جلال خان شامل تھے، جبکہ دیگر دو اہلکاروں کی شناخت عزیز اللہ اور عبداللہ کے نام سے ہوئی۔

لاشوں کو نورنگ اسپتال منتقل کر دیا گیا جبکہ واقعے کے مقام پر پولیس نے سرچ آپریشن شروع کر دیا ہے۔

دوسری جانب ضلع بنوں کے علاقے کشفی خیل میں نامعلوم حملہ آوروں کی فائرنگ سے ایک پولیس کانسٹیبل شہید ہو گیا۔

بنوں کے ڈی پی او کے ترجمان آصف حسن نے ڈان کو بتایا کہ شہید کانسٹیبل رشید خان اتوار کی صبح گھر سے ڈیوٹی کے لیے نکل رہے تھے کہ موٹر سائیکل پر سوار مسلح افراد نے ان پر فائرنگ کر دی۔

واقعے کے بعد پولیس کی بھاری نفری موقع پر پہنچ گئی، علاقے کو گھیرے میں لے کر شواہد اکٹھے کیے گئے، جبکہ حملہ آوروں کی گرفتاری کے لیے سرچ آپریشن بھی شروع کر دیا گیا۔

اس تشدد کے نتیجے میں کم از کم ایک ہزار 34 افراد جاں بحق اور13 سو 66 زخمی ہوئے، جو 2021 میں افغانستان میں طالبان کے اقتدار میں آنے کے بعد سے جاری بڑھتے ہوئے رجحان کی عکاسی کرتا ہے۔

یہ نتائج اسلام آباد میں قائم پاک انسٹی ٹیوٹ فار پیس اسٹڈیز کی جانب سے جاری کردہ پاکستان سکیورٹی رپورٹ 2025 میں سامنے آئے۔

رپورٹ کے مطابق سرحدی کشیدگی، عسکریت پسندوں کی واپسی اور خیبرپختونخوا سے بلوچستان تک بدلتی ہوئی حکمت عملیاں سکیورٹی چیلنج کو مزید وسیع کر رہی ہیں۔

دہشت گردی سے ہونے والی مجموعی ہلاکتوں میں سے 42 فیصد سے زائد سکیورٹی اور قانون نافذ کرنے والے اداروں کے اہلکار تھے، جن میں 437 جانیں ضائع ہوئیں، جو محاذ پر لڑائی کی شدت اور فوج، پولیس اور نیم فوجی دستوں کو مسلسل نشانہ بنائے جانے کو ظاہر کرتا ہے۔ اس کے ساتھ 354 عام شہری بھی جان سے گئے۔

رپورٹ کے مطابق 243 شدت پسند یا تو خودکش حملوں میں مارے گئے یا سکیورٹی فورسز کی جوابی کارروائی میں ہلاک ہوئے۔ تنازع زیادہ تر علاقائی نوعیت کا رہا، جہاں 95 فیصد سے زائد حملے خیبرپختونخوا اور بلوچستان میں ہوئے۔

خیبرپختونخوا میں واقعات میں 40 فیصد اضافہ ہوا، جہاں کالعدم تحریک طالبان پاکستان اور اس کے اتحادی گروہوں کی مضبوط موجودگی دیکھی گئی۔ صوبے میں 413 دہشت گرد حملے ہوئے، جن میں 581 افراد جاں بحق اور 698 زخمی ہوئے۔

رپورٹ کے مطابق 14 اگست کو 11 اضلاع میں مربوط حملے ریاستی رٹ کے لیے

چیلنج تھے۔

بلوچستان میں 2025 کے دوران 254 حملے ہوئے، جن کے نتیجے میں 419 افراد جاں بحق اور 607 زخمی ہوئے۔ حملوں میں 26 فیصد اضافے کے ساتھ شدت پسند تنظیموں نے ہٹ اینڈ رن کارروائیوں سے آگے بڑھ کر شاہراہوں کی بندش، محاصرے اور اغوا جیسی منظم کارروائیاں کیں، جن کا مقصد معاشی ڈھانچے اور ریاستی علامات کو نشانہ بنا کر حکمرانی کو متاثر کرنا تھا۔

سندھ میں 21 دہشت گرد حملے رپورٹ ہوئے، جن میں کراچی میں 16 شامل تھے۔ ان واقعات میں 14 افراد جاں بحق اور 17 زخمی ہوئے۔

پنجاب میں سات حملے ہوئے جو گزشتہ سال کے مقابلے میں کم تھے، جن میں پانچ افراد جاں بحق اور دو پولیس اہلکار زخمی ہوئے۔ اسلام آباد میں عدالتی کمپلیکس کے باہر خودکش دھماکے میں 12 افراد جان سے گئے۔

گلگت بلتستان میں تین حملے رپورٹ ہوئے، جن میں تین سکیورٹی اہلکار جاں بحق اور چھ زخمی ہوئے۔

پاک فوج کے شعبہ تعلقات عامہ( آئی ایس پی آر) کے مطابق خار باجوڑ میں خفیہ اطلاع پر آپریشن کیا گیا جس میں بھارتی اسپانسرڈ 5 خوارج ہلاک ہوئے۔

آئی ایس پی آر نے بتایا کہ فائرنگ کے شدید تبادلے میں میجر عدیل زمان شہید ہوگئے،  ان کا تعلق ڈیرہ اسمٰعیل خان سے تھا۔

آئی ایس پی آر کا کہنا ہے کہ میجر عدیل زمان نے فرنٹ سے فوجی جوانوں کو لیڈ کیا اور بہادری سے لڑتے ہوئے جام شہادت نوش کیا۔

آئی ایس پی آر کے مطابق مارے جانے والے خوارج کے قبضے سے اسلحہ و گولہ بارود برآمد کیا گیا، مارے گئے دہشت گرد سیکیورٹی فورسز کے خلاف کارروائیوں میں ملوث تھے۔

آئی ایس پی آر کا کہنا ہے کہ مارے گئے خوارج شہریوں کے قتل میں بھی ملوث تھے۔

فوج کے شعبہ تعلقات عامہ نے جمعرات کو الگ الگ بیانات میں بتایا کہ 24 دسمبر کو ڈیرہ اسماعیل خان کے علاقے کلاچی میں انٹیلی جنس بیسڈ آپریشن کے دوران دو خوارج مارے گئے۔

آئی ایس پی آر کے مطابق کارروائی کے دوران سیکیورٹی فورسز نے خوارج کے ٹھکانے کو مؤثر انداز میں نشانہ بنایا، جس کے نتیجے میں خوارج کا رنگ لیڈر دلاور بھی ہلاک ہو گیا۔

بیان میں کہا گیا کہ دلاور قانون نافذ کرنے والے اداروں کو دہشت گرد سرگرمیوں میں مطلوب تھا اور حکومت نے اس کے سر کی قیمت 40 لاکھ روپے مقرر کر رکھی تھی۔

آئی ایس پی آر کے مطابق ہلاک دہشت گردوں کے قبضے سے اسلحہ اور گولہ بارود بھی برآمد ہوا جو سیکیورٹی فورسز اور شہریوں کے خلاف دہشت گرد کارروائیوں میں سرگرم رہے تھے۔

ایک علیحدہ بیان میں آئی ایس پی آر نے کہا کہ 24 دسمبر کو قلات میں بھارتی پراکسی فتنہ الہندستان سے تعلق رکھنے والے دہشت گردوں کی موجودگی کی اطلاع پر انٹیلی جنس بیسڈ آپریشن کیا گیا۔

ریاست نے بلوچستان میں سرگرم دہشت گرد گروہوں کو فتنہ الہندستان کا نام دیا ہے تاکہ پاکستان میں دہشت گردی اور عدم استحکام میں بھارت کے مبینہ کردار کو اجاگر کیا جا سکے۔

بیان کے مطابق کارروائی کے دوران سیکیورٹی فورسز نے دہشت گردوں کے ٹھکانے کو مؤثر انداز میں نشانہ بنایا اور شدید فائرنگ کے تبادلے کے بعد آٹھ بھارتی سرپرستی یافتہ دہشت گرد مارے گئے۔

آئی ایس پی آر نے بتایا کہ دہشت گردوں کے قبضے سے اسلحہ، گولہ بارود اور بارودی مواد بھی برآمد ہوا، جو علاقے میں متعدد دہشت گرد سرگرمیوں میں ملوث رہے تھے۔

بیان میں کہا گیا کہ علاقے میں مزید بھارتی سرپرستی یافتہ دہشت گردوں کے خاتمے کے لیے کلیئرنس آپریشن جاری ہے اور ملک سے غیر ملکی سرپرستی میں ہونے والی دہشت گردی کے مکمل خاتمے تک سیکیورٹی فورسز اور قانون نافذ کرنے والے اداروں کی کارروائیاں پوری رفتار سے جاری رہیں گی۔

اس سے قبل رواں ماہ قلات میں ایک اور انٹیلی جنس بیسڈ آپریشن کے دوران 12 دہشت گرد مارے گئے تھے۔

مارچ میں شائع ہونے والے گلوبل ٹیررازم انڈیکس 2025 کے مطابق پاکستان دہشت گردی سے متاثرہ ممالک میں دوسرے نمبر پر رہا، جہاں دہشت گرد حملوں میں ہلاکتوں کی تعداد گزشتہ سال کے مقابلے میں 45 فیصد بڑھ گئی۔

اکتوبر میں اسلام آباد میں قائم تھنک ٹینک سینٹر فار ریسرچ اینڈ سیکیورٹی اسٹڈیز نے کہا تھا کہ 2025 کی تیسری سہ ماہی میں شدت پسند حملوں میں اضافے اور انسداد دہشت گردی کی کارروائیوں میں تیزی کے باعث تشدد میں نمایاں اضافہ ہوا۔

ضلع پولیس کے ترجمان شوکت خان نے واقعے اور جانی نقصان کی تصدیق کرتے ہوئے بتایا کہ تمام شہید ہونے والے اہلکار کانسٹیبل تھے۔

ترجمان کے مطابق شہید پولیس اہلکاروں کی شناخت کانسٹیبل شاہد اقبال، سمیع اللہ، عارف، صفدر اور محمد ابرار کے نام سے ہوئی، جو پولیس موبائل کے ڈرائیور بھی تھے۔

انہوں نے بتایا کہ جائے وقوع پر ضلع پولیس افسر سمیت پولیس کی بھاری نفری موجود ہے اور سرچ آپریشن جاری ہے۔

اگرچہ واقعے کی نوعیت تاحال واضح نہیں ہو سکی، تاہم پولیس ترجمان کی جانب سے شیئر کی گئی تصویر میں حملے کا نشانہ بننے والی گاڑی کے جلے ہوئے ملبے کو دیکھا جا سکتا ہے۔

وزیراعظم ہاؤس کی جانب سے جاری بیان کے مطابق شہباز شریف نے واقعے کی مذمت کرتے ہوئے قیمتی جانوں کے ضیاع پر گہرے رنج و غم کا اظہار کیا اور شہید اہلکاروں کے لیے دعائیں کیں۔

وزیراعظم نے شہدا کے لواحقین سے تعزیت کا اظہار کیا اور اس مشکل وقت میں حکومت کی جانب سے مکمل تعاون کی یقین دہانی کرائی۔

انہوں نے پولیس فورس کی قربانیوں کو خراجِ تحسین پیش کرتے ہوئے کہا کہ پولیس اہلکاروں نے دہشت گردی کے خلاف جنگ میں ہمیشہ صفِ اول کا کردار ادا کیا اور ملک میں امن و امان کے قیام کے لیے بے مثال خدمات انجام دیں۔

وزیراعظم نے کہا کہ پوری قوم اپنے فرائض کی ادائیگی کے دوران جانوں کا نذرانہ پیش کرنے والے شہدا کو سلام پیش کرتی ہے، اور ان کی قربانیاں کبھی فراموش نہیں کی جائیں گی۔

حکومتی عزم کو دہراتے ہوئے وزیراعظم شہباز شریف نے اس بات پر زور دیا کہ پاکستان ہر صورت دہشت گردی کے مکمل خاتمے کے لیے پُرعزم ہے۔

یہ واقعہ صوبے میں پولیس اہلکاروں کو نشانہ بنانے والے حملوں کے سلسلے کی تازہ کڑی ہے۔ گزشتہ ہفتے خیبرپختونخوا کے ضلع لکی مروت میں فائرنگ کے ایک واقعے میں ایک پولیس اہلکار اور اس کا بھائی شہید ہو گئے تھے۔

اس سے قبل رواں ماہ لکی مروت میں پولیس موبائل کو نشانہ بنانے والے خودکش حملے میں ایک پولیس اہلکار شہید جبکہ پانچ زخمی ہو گئے تھے۔ نومبر میں ہنگو میں ایک چیک پوسٹ پر دہشت گرد حملے کے جواب میں کارروائی کے دوران تین پولیس اہلکار شہید ہو گئے تھے۔

ذرائع نے دہشت گردوں کی شناخت فتنہ الخوارج سے تعلق رکھنے والوں کے طور پر کی، جو ریاست کی جانب سے کالعدم تحریکِ طالبان پاکستان کے لیے استعمال کی جانے والی اصطلاح ہے۔

ذرائع کے مطابق دہشت گردوں میں شامل ایک ’خودکش بمبار‘ نے بارودی مواد سے بھری گاڑی جمعے کی صبح بویا قلعے کی دیوار سے ٹکرا دی، جس کے نتیجے میں زور دار دھماکا ہوا۔

مقامی ذرائع نے بتایا کہ دھماکے کی آواز تقریباً 25 کلومیٹر دور واقع میرانشاہ شہر تک سنی گئی۔

ذرائع کا کہنا ہے کہ دھماکے کے بعد چار سے پانچ دہشت گردوں نے قلعے میں داخل ہونے کی کوشش کی، تاہم سیکیورٹی اہلکاروں کی بروقت کارروائی کے باعث یہ کوشش ناکام بنا دی گئی، اور کارروائی کے دوران تین دہشت گرد موقع پر ہی مارے گئے۔

ذرائع کے مطابق اطلاعات تھیں کہ ایک دہشت گرد کو سیکیورٹی فورسز نے گھیرے میں لے رکھا ہے اور اس کے خلاف کارروائی جاری ہے۔

ان کا کہنا تھا کہ حملے میں بٹالین ہیڈکوارٹر کی صرف بیرونی دیوار کو جزوی نقصان پہنچا۔

ابتدائی طور پر پولیس نے بتایا تھا کہ حملہ آور احاطے میں داخل ہونے میں کامیاب ہوگئے اور انہوں نے فائرنگ کی۔ فائرنگ کے تبادلے میں چار دہشت گرد ہلاک جبکہ چار سیکیورٹی اہلکار زخمی ہوئے۔

دھماکے کے فوراً بعد سیکیورٹی فورسز نے علاقے کو گھیرے میں لے کر کلیئرنس آپریشن شروع کردیا۔

پولیس اور سیکیورٹی اہلکاروں کی بھاری نفری جائے وقوع پر پہنچ گئی، جبکہ بم ڈسپوزل اسکواڈ کی خصوصی ٹیمیں بھی شواہد اکٹھا کرنے کے لیے روانہ کی گئیں۔

ریسکیو 1122 اور طبی ٹیمیں بھی امدادی اور ریسکیو سرگرمیوں میں مصروف رہیں۔ حکام کے مطابق جائے وقوع سے شواہد اکٹھے کیے جا رہے ہیں اور تحقیقات جاری ہیں۔

واقعے کے بعد پورے ضلع میں سیکیورٹی ہائی الرٹ کردی گئی جبکہ احتیاطی تدبیر کے طور پر ایک اہم شاہراہ پر ٹریفک عارضی طور پر معطل کر دی گئی۔

یہ واقعہ اس حملے کے دو ماہ بعد پیش آیا ہے جب شمالی وزیرستان کے علاقے میرعلی میں ایک فوجی کیمپ پر خودکش حملے کو ناکام بناتے ہوئے چار دہشت گرد مارے گئے تھے۔

اس وقت سرکاری میڈیا نے رپورٹ کیا تھا کہ ایک دہشت گرد نے بارودی مواد سے بھری گاڑی سیکیورٹی فورسز کے کیمپ کی دیوار سے ٹکرا دی تھی، جس کے بعد مزید تین دہشت گرد اندر داخل ہونے کی کوشش میں مارے گئے تھے۔

جمعے کا یہ واقعہ ایسے وقت میں پیش آیا ہے جب پاکستان میں دہشت گردی کے واقعات کا سلسلہ جاری ہے۔ رواں برس گلوبل ٹیررازم انڈیکس 2025 میں پاکستان دہشت گردی سے متاثرہ ممالک میں دوسرے نمبر پر رہا، جہاں دہشت گرد حملوں میں ہلاکتوں کی تعداد گزشتہ برس کے مقابلے میں 45 فیصد بڑھ گئی۔

تاہم تین دیگر ملزمان نے قتل سے متعلق تمام الزامات کی تردید کر دی ہے۔

ڈان اخبار میں شائع خبر کے مطابق پولیس نے پیر کو جسمانی ریمانڈ مکمل ہونے کے بعد چار ملزمان ردا جدون، اس کے شوہر وحید عرف بِلّا، ندیم اور پرویز کو جوڈیشل مجسٹریٹ کے سامنے پیش کیا۔

سماعت کے دوران ردا اور وحید نے جرم سے متعلق تمام الزامات مسترد کر دیے۔ ملزم ندیم نے بھی خود کو بے قصور قرار دیتے ہوئے کیس سے کسی بھی قسم کے تعلق سے انکار کیا۔ تاہم پرویز نے مجسٹریٹ کے سامنے اعترافی بیان ریکارڈ کرایا، جسے تفتیش کار استغاثہ اور آئندہ تحقیقات کے لیے اہم قرار دے رہے ہیں۔

پولیس نے ملزمان کے جسمانی ریمانڈ میں مزید توسیع کی درخواست کی، تاہم خصوصی انسدادِ دہشت گردی عدالت نے پولیس کی درخواست مسترد کرتے ہوئے تمام ملزمان کو جوڈیشل ریمانڈ پر جیل بھیجنے کا حکم دے دیا۔

واضح رہے کہ مرکزی ملزم شمریز اتوار کی شب مبینہ پولیس مقابلے میں مارا گیا۔ پولیس کے مطابق یہ مقابلہ تھانہ نواں شہر کی حدود میں تھنڈیانی کے قریب مائرہ رحمت خان کے علاقے میں اُس وقت پیش آیا جب کینٹونمنٹ اور نواں شہر پولیس کی مشترکہ ٹیمیں مفرور ملزم کو گرفتار کرنے کے لیے کارروائی کر رہی تھیں۔

پولیس حکام کے مطابق آپریشن کے دوران شمریز کے ساتھیوں نے پولیس پارٹی پر فائرنگ کر دی۔ فائرنگ کے تبادلے میں شمریز مبینہ طور پر اپنے ہی ساتھیوں کی گولیوں کا نشانہ بن کر موقع پر ہی ہلاک ہو گیا، جبکہ دو ساتھی اندھیرے کا فائدہ اٹھاتے ہوئے فرار ہو گئے۔

حکام نے بتایا کہ جائے وقوع سے ایک پستول اور گولہ بارود بھی برآمد کیا گیا۔

ملزم کی لاش پوسٹ مارٹم کے لیے ایوب ٹیچنگ اسپتال منتقل کر دی گئی، جبکہ فرار ملزمان کے خلاف علیحدہ مقدمہ درج کر لیا گیا ہے۔

ملزمان کی گرفتاری کے لیے خصوصی ٹیمیں تشکیل دے دی گئی ہیں۔

دریں اثنا، مرکزی ملزم کی عدالتی کارروائی سے قبل ہلاکت نے قانونی حلقوں اور عوام میں تشویش پیدا کر دی کیونکہ خیال کیا جا رہا تھا کہ اس کے پاس جرم کی منصوبہ بندی، عمل درآمد اور سہولت کاری سے متعلق اہم معلومات موجود تھیں۔

مقدمے کی کارروائی جاری رہنے کے ساتھ عدالت سے توقع کی جا رہی ہے کہ وہ دستیاب شواہد، اعترافی بیانات اور پولیس تحقیقات کا باریک بینی سے جائزہ لے گی تاکہ ڈاکٹر وردا مشتاق کے قتل میں ملوث تمام افراد کو قانون کے مطابق انصاف کے کٹہرے میں لایا جا سکے۔

ڈان اخبار میں شائع خبر کے مطابق پولیس ذرائع نے بتایا کہ ملزم شمریز کی لاش کو ڈسٹرکٹ ہیڈکوارٹرز اسپتال منتقل کردیا گیا ہے۔

ٹھنڈیانی کنڈلا کے علاقے میں مسلح ملزمان کے خلاف ٹارگٹڈ کارروائی کی گئی تھی، مقابلے کے دوران گرفتاری میں مزاحمت پر شمریز موقع پر ہی مارا گیا۔

حکام کے مطابق شمریز ایک خطرناک مجرم تھا جو رواں ماہ کے آغاز میں ڈاکٹر وردہ کے بہیمانہ اغوا اور قتل کے بعد سے گرفتاری سے بچتا رہا تھا۔

ڈاکٹر وردہ جو ڈی ایچ کیو اسپتال میں میڈیکل آفیسر تھیں، کو اغوا کرنے کے بعد قتل کر دیا گیا تھا، جس پر خیبرپختونخوا بھر میں شدید غم و غصے کا اظہار کیا گیا۔

واقعے کے بعد کئی ملزمان کو گرفتار کیا گیا، تاہم شمریز قانون نافذ کرنے والے اداروں کی گرفت سے باہر رہا، جس کے باعث پولیس نے اپنی کارروائیاں تیز کر دی تھیں۔

صوبائی حکومت نے شفاف اور جامع تحقیقات کو یقینی بنانے کے لیے ایک اعلیٰ سطح مشترکہ تحقیقاتی ٹیم (جے آئی ٹی) بھی تشکیل دی تھی۔

دریں اثنا اتوار کی شب پولیس لائنز میں بلائی گئی ایک ہنگامی پریس کانفرنس سے خطاب کرتے ہوئے ڈی پی او ایبٹ آباد ہارون الرشید نے کہا کہ شمریز پولیس مقابلے میں مارا گیا جبکہ اس کے دو ساتھی ٹھنڈیانی کے جنگلات کی جانب فرار ہو گئے۔

انہوں نے کہا کہ پولیس کو اطلاع ملی تھی کہ ڈاکٹر وردہ کیس کا مرکزی اور مفرور ملزم اپنے ساتھیوں کے ہمراہ ٹھنڈیانی کنڈ میں موجود ہے۔

ان کے مطابق پولیس نے علاقے پر چھاپہ مارا، تاہم ملزمان نے فائرنگ شروع کر دی۔

انہوں نے بتایا کہ فائرنگ کے تبادلے میں شمریز ہلاک ہو گیا جبکہ فرار ہونے والے ملزمان کی گرفتاری کے لیے آپریشن جاری ہے۔

ڈی پی او نے مزید کہا کہ شمریز کی لاش ایوب میڈیکل کمپلیکس منتقل کی گئی تاہم میڈیا کو لاش تک رسائی نہیں دی گئی۔

ہارون الرشید کے مطابق شمریز کی گرفتاری پولیس کے لیے ایک بڑا چیلنج بنی ہوئی تھی۔

پولیس حکام کے مطابق جوابی کارروائی کے دوران پولیس کے پانچ جوان زخمی ہوگئے۔

ترجمان ریجنل پولیس آفیسر کاشف نواز کے جاری کردہ بیان میں کہا گیا کہ فتنہ الخوارج دہشت گردوں نے جمعرات کی رات دیر گئے پولیس پوسٹ پر حملہ کیا۔

بیان میں کہا گیا کہ پولیس اہلکاروں نے ہمت، دلیری اور بروقت کارروائی کا مظاہرہ کرتے ہوئے حملہ پسپا کر دیا۔

بیان کے مطابق، ”پولیس کی بھرپور اور مؤثر جوابی فائرنگ کے نتیجے میں دہشت گردوں کو بھاری جانی نقصان اٹھانا پڑا“۔
مزید کہا گیا کہ فائرنگ کا تبادلہ تین گھنٹے تک جاری رہا، اور ابتدائی اطلاعات کے مطابق کئی دہشت گرد ہلاک اور زخمی ہوئے۔

بیان میں بتایا گیا کہ مسلح قبائلی اور امن کمیٹی کے ارکان نے بھی پولیس کے ساتھ مل کر دہشت گردوں کے خلاف کارروائی میں حصہ لیا۔

اس دوران پانچ پولیس اہلکار معمولی زخمی ہوئے جنہیں طبی امداد کے لیے اسپتال منتقل کیا گیا۔

بیان کے مطابق بنوں کے ڈپٹی انسپکٹر جنرل (ڈی آئی جی) سجاد خان کی ہدایت پر اضافی فورس موقع پر پہنچی اور علاقے کو گھیرے میں لے لیا۔

بیان میں کہا گیا کہ بنوں ڈی آئی جی اور ڈسٹرکٹ پولیس آفیسر (ڈی پی او) یاسر آفریدی نے پولیس کی کوششوں اور علاقے کے لوگوں کی بہادری کو سراہا۔

ڈی پی او بنوں نے بعد میں اسپتال جا کر زخمی اہلکاروں کی عیادت بھی کی۔

بیان کے مطابق ڈی پی او نے کہا کہ ”بنوں پولیس نے ایک بار پھر ثابت کر دیا ہے کہ وہ امن کے دشمنوں کے سامنے مضبوط دیوار بن کر کھڑی ہے۔ دہشت گردی کے خلاف جنگ آخری دہشت گرد کے خاتمے تک جاری رہے گی۔“

ڈان اخبار میں شائع خبر کے مطابق عدالت میں مرکزی ملزمہ رِدا کے شوہر وحید بلّا اور دیگر گرفتار افراد کو پیش کیا گیا، جہاں عدالت نے انہیں پولیس کے حوالے کرنے کا حکم دیا۔

عوامی غم و غصے کے پیش نظر کسی ناخوشگوار واقعے سے بچنے کیلئے ضلعی انتظامیہ نے شہر میں بلّا خاندان کی ملکیت تمام کپڑوں کی دکانیں سیل کر دیں۔ کیس کا اہم ترین ملزم شمریز تاحال مفرور ہے، جس کے باعث عوام میں پولیس کے خلاف ناراضی مزید بڑھ گئی ہے۔

ڈاکٹر وردہ کی نمازِ جنازہ پیر کی رات 10 بجے ادا کی گئی تھی، جس کے بعد انہیں کینٹ ایریا کے قبرستان میں سپردِ خاک کر دیا گیا۔

ہسپتال کے عملے سمیت لوگوں کی بڑی تعداد ان کے گھر میت لے کر پہنچی۔ علاقے میں غم کی ایک گہری فضا چھا گئی، کئی افراد کی آنکھیں اشکبار تھیں۔ ڈاکٹر کے بچے، والد، بھائی اور دیگر اہل خانہ شدید رنجیدہ تھے، کچھ لوگ صدمے سے بے ہوش بھی ہو گئے۔ ساتھی ڈاکٹرز نے ڈاکٹر وردہ کی قبر پر پھولوں کی چادریں چڑھائیں۔

ہزارہ پولیس کے ڈی آئی جی ناصر محمود ستی نے کہا کہ قتل کی تحقیقات ہر زاویے سے کی جا رہی ہیں۔

ڈی پی او ہارون الرشید کی سربراہی میں خصوصی تفتیشی ٹیم تشکیل دی جا چکی ہے۔
انہوں نے بتایا کہ نامزد ملزمان کو گرفتار کیا جا چکا ہے جبکہ سہولت کاروں کی گرفتاری کیلئے خصوصی ٹیمیں بھی کام کر رہی ہیں۔

انہوں نے کہا کہ ہم تمام قانونی تقاضے پورے کریں گے اور قاتلوں اور ان کے سہولت کاروں کو کیفرِ کردار تک پہنچایا جائے گا۔

دریں اثنا، ڈی پی او نے سب انسپکٹر زبیر خان کو ایس ایچ او کینٹ تھانے کے عہدے سے ہٹا کر ان کی جگہ انسپکٹر علی جدون کو تعینات کر دیا۔

صوبائی وزیرِ صحت خلیق الرحمٰن نے مقتولہ کے گھر جا کر اہل خانہ سے تعزیت کی اور مکمل تعاون کی یقین دہانی کرائی۔

انہوں نے کہا کہ ڈاکٹر وردہ مشتاق کا سفاکانہ قتل ایک بڑا سانحہ ہے۔ حکومت اس معاملے کو انتہائی سنجیدگی سے لے رہی ہے اور ہر قیمت پر انصاف یقینی بنایا جائے گا۔ ملزمان کسی صورت بچ نہیں پائیں گے۔

بعد ازاں وزیر نے بینظیر ٹیچنگ ہسپتال ایبٹ آباد بھی دورہ کیا اور ڈاکٹرز ایسوسی ایشن کے نمائندوں سے ملاقات کی۔

انہوں نے کہا کہ ڈاکٹرز کی حفاظت ہماری حکومت کی اولین ترجیح ہے۔ صحت کے شعبے میں خدمات انجام دینے والے ہمارے قیمتی اثاثے ہیں۔

انہوں نے بتایا کہ ایک جے آئی ٹی تشکیل دی جا چکی ہے جو قتل کی تفتیش شفاف اور پیشہ ورانہ انداز میں کر رہی ہے۔

بینظیر شہید ہسپتال میں ڈاکٹرز نے مکمل ہڑتال کی جبکہ ایک تعزیتی ریفرنس میں ڈاکٹرز، نرسز، پیرا میڈیکس اور کلاس فور ملازمین نے شرکت کر کے ڈاکٹر وردہ کے لیے دعائے مغفرت کی اور قاتلوں کو عبرتناک انجام تک پہنچانے کا مطالبہ کیا۔

ایوب میڈیکل کمپلیکس کے ڈاکٹرز نے سڑک (سِلک روڈ) پر احتجاجی دھرنا دیا۔ نرسز، پیرا میڈیکس اور کلاس فور اسٹاف بھی ان کے ساتھ شامل تھا۔ مظاہرین نے ضلعی انتظامیہ اور پولیس کے خلاف نعرے لگائے اور کینٹ تھانے کے ایس ایچ او اور ڈی ایس پی (کینٹ) کی گرفتاری کا مطالبہ کیا۔

اسی طرح حویلیاں اور لورا کے تحصیل ہیڈکوارٹر اسپتالوں میں بھی میڈیکل عملے نے سڑکوں پر احتجاج کیا۔

مانسہرہ میں ہزارہ ڈویژن کے بالائی علاقوں سے تعلق رکھنے والے ڈاکٹرز، پیرا میڈیکس اور نرسز نے ہڑتال کرتے ہوئے تمام طبی سہولیات معطل کر دیں۔

انہوں نے سڑکوں پر نکل کر شدید احتجاج کیا اور قاتلوں کو عبرتناک سزا دینے کا مطالبہ کیا۔

مانسہرہ، تورغر، اپر اور لوئر کوہستان اور کولائی پالس کے سرکاری ہسپتالوں کا عملہ بھی اس ہڑتال میں شامل تھا۔

پولیس کے مطابق فائرنگ کا واقعہ چارسدہ کے علاقے  پڑانگ قبرستان کے قریب پیش آیا جہاں نامعلوم موٹرسائیکل سواروں کی فائرنگ سے 2 خواتین جاں بحق ہوگئیں۔

پولیس کے مطابق فائرنگ کا واقعہ چارسدہ کے علاقے  پڑانگ قبرستان کے قریب پیش آیا جہاں نامعلوم ملزمان کی فائرنگ سے 2 خواتین جاں بحق ہوگئیں۔

پولیس کا کہناہےکہ جاں بحق ہونے والی دونوں خواتین سرکاری ٹیچرز ہیں جو گورنمنٹ ہائی اسکول شاہ پسند کلے میں ڈیوٹی پر جارہی تھیں۔

واقعے کی اطلاع ملتے ہی پولیس کی نفری جائے وقوع پر پہنچ گئی جہاں سے شواہد اکٹھے کرکے تحقیقات شروع کردی گئیں۔

ذرائع کے مطابق، خرم ذیشان اکتوبر میں خیبر پختونخوا سے جنرل سیٹ پر سینیٹ کے لیے منتخب ہوئے تھے، یہ نشست پی ٹی آئی رہنما شبلی فراز کی نااہلی کے بعد خالی ہوئی تھی۔

تتارہ تھانے میں درج واقعہ کی رپورٹ کے مطابق، حملہ تقریباً صبح 3 بج کر 15 منٹ پر ہوا، جس میں نامعلوم حملہ آوروں نے حیات آباد کے فیز 2 میں واقع گھر پر فائرنگ کی۔

پولیس کے مطابق سینیٹر کے برادر نسبتی سید اظہر حسین بخاری نے بتایا کہ وہ اپنے گھر پر موجود تھے جب یہ حملہ ہوا۔

انہوں نے کہا کہ گھر میں کام کرنے والے ایک شخص ابرار احمد کو فائرنگ میں گولی لگی اور وہ زخمی ہو گیا، اس واقعے میں ان کی پراپرٹی کو بھی نقصان پہنچا۔

پی ٹی آئی خیبرپختونخوا کے ترجمان اکرام کھٹانہ نے بھی حملے کی تصدیق کی اور بتایا کہ سینیٹر اس وقت گھر پر موجود نہیں تھے، انہوں نے کہا کہ حملہ آوروں نے گھر والوں کو دروازہ کھولنے کے لیے قائل کرنے کی کوشش کی، لیکن انکار پر فائرنگ شروع کر دی۔

سینیٹر ذیشان نے اب تک تبصرے کے لیے کوئی جواب نہیں دیا۔

گزشتہ ماہ، پی ٹی آئی کے رکن صوبائی اسمبلی انور زیب خان کے رہائشی گھر پر خارشگان تحصیل کے علاقے میں مبینہ کواڈروپٹر حملے کے دوران ان کے ایک پرائیویٹ گارڈ بھی زخمی ہوا تھا۔

سرکاری خبر رساں ایجنسی ’اے پی پی‘ کی رپورٹ کے مطابق پی ایم آفس کے میڈیا ونگ سے جاری بیان کے مطابق وزیراعظم نے ان آپریشنز میں فتنۃ الخوارج کے 9 دہشت گردوں کو ہلاک کرنے پر سیکیورٹی فورسز کی پذیرائی کرتے ہوئے کہا کہ عزم و استحکام کے وژن کے تحت سیکیورٹی فورسز دہشت گردی کے خلاف بڑی کامیابیاں حاصل کر رہی ہیں۔

انہوں نے مزید کہا کہ پوری قوم دہشت گردی کے خلاف اس جنگ میں پاکستان کی افواج کے ساتھ کھڑی ہے۔

وزیر اعظم محمد شہباز شریف نے آخر میں کہا کہ ملک سے ہر قسم کی دہشت گردی کے مکمل خاتمے کے لیے پر عزم ہیں۔

واضح رہے کہ خیبرپختونخوا کے اضلاع ٹانک اور لکی مروت میں سیکیورٹی فورسز نے انٹیلی جنس بیسڈ کارروائیوں کے دوران فتنۃ الخوارج کے 9 دہشت گردوں کو ہلاک کیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کی جانب سے ضلع ٹانک میں خوارج کی موجودگی کی خفیہ اطلاع پر 5 دسمبر کو انٹیلیجنس بیسڈ آپریشن کیا، اس دوران بھارتی سرپرستی میں کام کرنے والے فتنۃ الخوارج کے 7 دہشت گردوں کو ہلاک کیا۔

ترجمان پاک فوج کا کہنا تھا کہ سیکیورٹی فورسز نے دوسرا آپریشن ضلع لکی مروت میں کیا، جہاں فائرنگ کے تبادلے میں 2 خوارج کو ہلاک کیا گیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کی جانب سے ضلع ٹانک میں خوارج کی موجودگی کی خفیہ اطلاع پر 5 دسمبر کو انٹیلیجنس بیسڈ آپریشن کیا، اس دوران بھارتی سرپرستی میں کام کرنے والے فتنۃ الخوارج کے 7 دہشت گردوں کو ہلاک کیا۔

ترجمان پاک فوج کا کہنا تھا کہ سیکیورٹی فورسز نے دوسرا آپریشن ضلع لکی مروت میں کیا، جہاں فائرنگ کے تبادلے میں 2 خوارج کو ہلاک کیا گیا۔

آئی ایس پی آر نے بتایا کہ آپریشن کے دوران فورسز نے خوارج کے ٹھکانے کو مؤثر انداز میں نشانہ بنایا، ہلاک ہونے والے خوارج قانون نافذ کرنے والے اداروں کے خلاف دہشت گردانہ کارروائیوں اور معصوم شہریوں کی ٹارگٹ کلنگ میں ملوث تھے۔

ترجمان پاک فوج کا مزید کہنا تھا کہ علاقے میں دیگر بھارتی سرپرستی میں کام کرنے والے خوارج کے خاتمے کے لئے سرچ اور کلیئرنس آپریشنز جاری ہے۔

وزیراعظم کا سیکیورٹی فورسز کو خراج تحسین

دوسری جانب، وزیراعظم شہباز شریف نے خیبرپختونخوا کے اضلاع ٹانک اور لکی مروت میں فتنتہ الخوارج کے دہشت گردوں کے خلاف دو الگ کامیاب کارروائیوں پر سیکیورٹی فورسز کو خراج تحسین پیش کیا ہے۔
شہباز شریف نے ان آپریشنز میں فتنتۃ الخوارج کے 9 دہشت گردوں کو ہلاک کرنے پر سیکیورٹی فورسز کی پذیرائی کی۔

ان کا کہنا تھا کہ عزم استحکام کے ویژن کے تحت سیکیورٹی فورسز دہشت گردی کے خلاف بڑی کامیابیاں حاصل کر رہی ہیں۔

مزید کہا کہ پوری قوم دہشت گردی کے خلاف اس جنگ میں پاکستان کی افواج کے ساتھ کھڑی ہے اور ملک سے ہر قسم کی دہشت گردی کے مکمل خاتمے کے لیے پرعزم ہیں۔

ڈان نیوز کے مطابق وزیراعلیٰ خیبرپختونخوا کے معاون خصوصی برائے اطلاعات شفیع جان نے بتایا کہ وزیر اعلیٰ سہیل آفریدی کی زیرصدارت صوبائی کابینہ اجلاس میں اہم فیصلے کئے گیے، جس میں کابینہ نے 9 اور 10 مئی کو سیاسی انتقام کے تحت درج بغیر ثبوت کےمقدمات ختم کرنےکا فیصلہ کیا ساتھ ہی ریڈیوپاکستان پشاور واقعہ کی انکوائری صوبائی اسمبلی کی اسپیشل کمیٹی کےسپرد کرنے کی بھی منظوری دی۔

انہوں نے بتایا کہ صوبائی کابینہ نے سی ٹی ڈی کے لیے 15 کروڑ روپے کی خصوصی گرانٹ کی منظوری دی اور ایکشن ان ایڈ آف سول پاورز قانون کے خاتمے سے متعلق کمیٹی کی سفارشات پر عمل درآمد کی منظوری بھی دے دی گئی۔

مزید بتایا گیا کہ صوبے میں گندم کے ذخائر، بین الصوبائی نقل وحمل اور آئندہ حکمت عملی پر کابینہ کو بریفنگ دی گئی، اضافی گندم کی خریداری کے لیے پہلے سے قائم کمیٹی کو ضرورت پڑنے پر اقدامات کا اختیار دیا گیا۔

معاون خصوصی برائے اطلاعات کے مطابق کابینہ نےکڈنی اور بون میرو ٹرانسپلانٹ کے 2 مریضوں کے لیے مالی امداد کی منظوری دی جب کہ صوبے میں جاری منصوبوں کی جلد تکمیل کے لیے فنڈز کی فراہمی کی منظوری بھی دے دی گئی۔

ایسا کوئی بھی اقدام ملک کو مزید سنگین بحران میں دھکیل دے گا جس کے دور رس سیاسی اور سیکیورٹی اثرات مرتب ہوں گے۔ ملک میں تنگ ہوتی جمہوری فضا پہلے ہی ایک غیر مستحکم صورتِ حال پیدا کر چکی ہے اور محاذ آرائی کی سیاست پورے نظام کو پٹڑی سے اتار سکتی ہے۔ کیا ملک جو پہلے ہی متعدد داخلی اور خارجی سیکیورٹی چیلنجز کا سامنا کر رہا ہے، ایسی غیر ذمہ دارانہ کارروائی کا متحمل ہو سکتا ہے؟

وفاقی حکومت کی جانب سے اس ممکنہ اقدام کے لیے جو وجوہات بیان کی گئی ہیں، اُن میں خیبرپختونخوا میں سلامتی اور گورننس کے مسائل شامل ہیں۔ یہ درست ہو سکتا ہے کہ اسٹریٹجک اہمیت کے حامل صوبے کو ایک دہائی میں اپنی بدترین سیکیورٹی صورتِ حال کا سامنا ہے اور دہشت گردی سیکڑوں جانیں لے چکی ہے لیکن ان بگڑتے حالات کی اصل ذمہ داری وفاقی حکومت اور سیکیورٹی اسٹیبلشمنٹ پر عائد ہوتی ہے۔ بدانتظامی کا بہانہ بھی کمزور ہے کیونکہ دیگر صوبوں میں حالات قابلِ تعریف نہیں۔

پورا معاملہ طاقت کی سیاست اور خیبرپختونخوا میں پاکستان تحریک انصاف (پی ٹی آئی) حکومت کو دیوار سے لگانے کا ہے۔ گزشتہ ایک سال سے اسٹیبلشمنٹ کی حمایت یافتہ وفاقی حکومت نے پی ٹی آئی کی صوبائی حکومت کو کمزور کرنے کے لیے ہر ممکن کوشش کی ہے۔ لیکن خواتین اور اقلیتوں کے لیے مخصوص نشستوں سے محروم کیے جانے کے باوجود، پی ٹی آئی اب بھی کے پی اسمبلی میں غالب حیثیت رکھتی ہے۔

ایک نئے اور سخت گیر وزیرِاعلیٰ کے منصب سنبھالنے کے بعد سے صوبائی اور وفاقی حکومتوں کے درمیان محاذ آرائی انتہا کو پہنچ چکی ہے۔ صوبے میں گورنر راج کے ممکنہ نفاذ سے اس ہائبرڈ نظام کی مایوسی جھلکتی ہے جو صوبائی حکومت کو زیرِ دام کرنے میں ناکام رہا ہے۔ لیکن ایسی کسی بھی سخت کارروائی کے نتیجے میں صورت حال مزید بگڑ سکتی ہے، بالخصوص اُس خطے میں کہ جہاں عسکریت پسندی میں اضافہ ہو رہا ہے اور مغربی سرحد پر جنگ جیسے حالات پیدا ہو چکے ہیں۔

سب سے زیادہ تشویشناک پہلو مقامی آبادی کی ریاست سے بڑھتی ہوئی بیگانگی کا احساس ہے، بالخصوص وہ اضلاع جو عسکریت پسندی سے سب سے زیادہ متاثر ہیں۔ صوبائی حکومت اور اسٹیبلشمنٹ کے درمیان کشیدگی کے باعث ان علاقوں میں انتظامی کنٹرول تقریباً ختم ہو چکا ہے۔

ایسی صورتِ حال دہشت گرد گروہوں کو مزید کھلی آزادی فراہم کرتی ہے جو اب بلاخوف و خطر کارروائیاں کر رہے ہیں۔ پشاور میں ایف سی ہیڈ کوارٹر پر حالیہ حملہ اس بات کا ثبوت ہے کہ یہ گروہ اب اعلیٰ سیکیورٹی زون میں بھی اس نوعیت کے بے باک حملے کرنے کی صلاحیت رکھتے ہیں۔

لیکن سیکیورٹی ناکامی کا ذمہ دار کون ہے؟ یقیناً کم وسائل رکھنے والے اور مایوسی کا شکار شہری قانون نافذ کرنے والے ادارے نہیں۔ ریاست اور عوام کے درمیان بڑھتا ہوا اعتماد کا خلا صوبے میں سیکیورٹی کے عملی طور پر انہدام کی ایک بڑی وجہ رہا ہے۔

اس کے علاوہ، فوج کے شعبہ تعلقات عامہ (آئی ایس پی آر) کے سربراہ کے ‘سیاسی و مجرمانہ گٹھ جوڑ’ کے حوالے سے دیے گئے بیانات کو وسیع پیمانے پر اس طور پر لیا گیا ہے کہ صوبائی سیاسی قیادت کو عسکریت پسند اور جرائم پیشہ گروہوں سے جوڑا جا رہا ہے۔ اس تاثر نے اسلام آباد اور پشاور کے مابین جاری تناؤ میں اسٹیبلشمنٹ کے کردار کی بحث کو مزید تقویت دی ہے۔

نتیجتاً، یہ صورتِ حال عوام کو وجودی خطرے کے خلاف متحد کرنے کے بجائے ان میں اعتماد کے بحران کو مزید بڑھا سکتی ہے اور یوں ریاست کو اپنے ہی لوگوں سے دور کر سکتی ہے۔

افغانستان کے ساتھ جاری کشیدگی اور وہاں موجود دہشت گردوں کے ٹھکانوں نے براہِ راست خیبرپختونخوا کو متاثر کیا ہے۔ صوبے کی افغانستان کے ساتھ طویل سرحد ہے اور نسلی بنیادوں پر روابط بھی موجود ہیں۔ لہٰذا پاک-افغان تناؤ میں اضافہ خیبرپختونخوا کی سیاست اور معاشرے پر براہِ راست اثر ڈالتا ہے۔

سرحدوں کی بندش نے صوبے میں کاروبار اور تجارت کو شدید طور پر متاثر کیا ہے۔ لیکن کیا ریاستی اداروں اور وفاقی حکومت نے مقامی آبادی کے ان خدشات کو تسلیم کیا ہے؟

اگرچہ افغانستان کی کالعدم تحریک طالبان (ٹی ٹی پی) کی حمایت کرنے کے معاملے پر پی ٹی آئی کے مؤقف سے اختلاف کیا جا سکتا ہے لیکن صوبائی حکومت کا اُن افغان مہاجرین کی جبری ملک بدری کے خلاف مؤقف جو اس ملک میں پیدا ہوئے یا تقریباً تین نسلوں تک یہاں رہے، اتنا غیر معقول نہیں جتنا وفاقی حکومت اسے بنا کر پیش کر رہی ہے۔

درحقیقت حکومت کے من مانے فیصلے یعنی ان مہاجرین کو واپس بھیجنے اور تجارت بند کرنے سے افغان عوام کے جذبات اس ملک کے خلاف ہو گئے ہیں جسے افغان طالبان کی انتظامیہ نے اپنے فائدے کے لیے استعمال کیا ہے۔

اسٹیبلشمنٹ اور وفاقی حکومت کے لیے اپنی افغان پالیسی پر نظرِ ثانی کرنا بے حد ضروری ہوگیا ہے۔ وزیرِ دفاع اور کچھ دیگر پاکستانی حکام کی جانب سے افغانوں کے بارے میں سخت زبان میں دیے گئے عوامی بیانات نے نہ صرف سرحد کے اُس پار لوگوں کو مشتعل کیا ہے بلکہ اندرونِ ملک بہت سے پشتون بھی اس سے دل برداشتہ ہوئے ہیں۔

لیکن ملکی جمہوری فضا کے سکڑنے اور بڑھتی ہوئی آمریت میں موجودہ محاذ آرائی کی جڑ ہے۔ عدلیہ کی خود مختاری کو آئینی ترامیم کے ذریعے محدود کرکے حکومت نے ہائبرڈ نظام کے ماورائے آئین اقدامات کے خلاف عدالتی چارہ جوئی کے تمام راستے بند کر دیے ہیں۔

سابق وزیرِاعظم عمران خان کو اُن کے آئینی حق یعنی منصفانہ ٹرائل سے محروم رکھنا اور عدالتی احکامات کے باوجود اُنہیں اپنے اہلِ خانہ اور وکلا سے ملاقات کرنے نہ دینا، وفاق اور خیبرپختونخوا حکومت کے درمیان جاری محاذ آرائی کو مزید بھڑکانے کا سبب بن رہے ہیں۔

صوبے میں پارٹی اب نوجوان نسل اور زیادہ پُراعتماد عناصر کے ہاتھ میں ہے جو حکومت کے غیر جمہوری اقدامات کو قبول کرنے کے لیے تیار نہیں۔

ایک علیحدہ اور بظاہر فرمانبردار آئینی عدالت کے قیام کے بعد، وفاقی حکومت کو اب اس بات کا زیادہ یقین ہوچکا ہے کہ اس کے ماورائے آئین اور غیر جمہوری اقدامات کالعدم قرار نہیں دیے جائیں گے جس سے خیبرپختونخوا میں گورنر راج نافذ کرنا مزید آسان ہو جائے گا۔ بااثر حلقوں میں شاید اس بات کا شعور نہیں کہ اس اقدام سے صوبے میں عوامی ردِعمل کس قدر شدید ہو سکتا ہے۔

وفاقی وزیرِ قانون نے گورنر راج کا دفاع کرتے ہوئے اسے مارشل لا کے بجائے ایک آئینی راستہ قرار دیا ہے۔ مگر جمہوری حقوق کی نفی اور بعض طاقتور حلقوں کا سخت طرزِ عمل عوام کی نظر میں مارشل لا سے کم نہیں سمجھا جا رہا۔ صوبائی حکومت کو معطل کرنا عوامی بے چینی میں مزید اضافہ کرے گا اور ملک کو مزید عدم استحکام کی جانب دھکیل دے گا۔

یہ تحریر انگریزی میں پڑھیے۔

ڈان نیوز کے مطابق کوہاٹ کی تحصیل لاچی بازار پولیس اسٹیشن کے قریب 2 مسلح گروپوں میں فائرنگ کا تبادلہ ہوا ہے۔

پولیس کے مطابق فائرنگ کے تبادلے میں 4 افراد جاں بحق اور 2 افراد شدید زخمی ہیں، دونوں زخمیوں کو تشویشناک حالت میں ہسپتال منتقل کردیا گیا ہے۔

پولیس نے موقع پر پہنچ کر علاقے کو گھیرے میں لے لیا ، فائرنگ کے واقعے کی مزید تحقیقات جاری ہیں۔

واقعے کی اطلاع ملتے ہی ریسکیو 1122 کی ٹیمیں موقع پر پہنچ گئیں اور جاں بحق افراد کی لاشوں اور زخمیوں کو ہسپتال منتقل کر دیا۔

ریسکیو حکام کے مطابق شدید زخمیوں کو تشویشناک حالت کے پیش نظر کوہاٹ منتقل کردیا گیا۔

جاں بحق افراد کی شناخت حسن ، ظاہر زمان، غفور اور معمور کے ناموں سے ہوئی جب کہ زخمیوں میں اعجاز اور حماد شامل ہیں۔

پولیس کے مطابق پنیالہ پولیس اسٹیشن کی حدود میں پولیس موبائل پر حملہ کیا گیا، دھماکے اور فائرنگ سے 3 پولیس اہلکار شہید ہوگئے۔

پولیس کے مطابق شہدا میں اے ایس آئی، کانسٹیبل اور ڈرائیور شامل ہیں جبکہ ایک کانسٹیبل محفوظ رہا۔

پولیس کے مطابق ڈی ایس پی پنیالہ اور ایس ایچ او موقع پر پہنچ گئے جبکہ علاقے کی ناکہ بندی کر دی گئی ہے۔

واضح رہے کہ گزشتہ روز خیبرپختونخوا کے ضلع بنوں میں میرانشاہ روڈ پر دہشت گردوں کے حملے میں اسسٹنٹ کمشنر شمالی وزیرستان شاہ ولی سمیت 4 افرد شہید ہوگئے، جبکہ 2 اہلکار زخمی ہوگئے تھے۔

اس سے قبل پیر کو ضلع لکی مروت میں پولیس موبائل پر خودکش حملے میں ایک پولیس اہلکار شہید اور 5 زخمی ہوگئے تھے۔

ڈان نیوز کے مطابق بنوں میں دہشت گردوں نے اسسٹنٹ کمشنر شمالی وزیرستان کی گاڑی پر حملہ کردیا، حملے میں اسسٹنٹ کمشنر شاہ ولی، دو پولیس اہلکاراور ایک شہری شہید ہوگیا۔

پولیس ذرائع کے مطابق حملے میں 2 اہلکار زخمی بھی ہوئے، تمام لاشیں اور زخمیوں کو ہسپتال منتقل کردیا گیا ہے جبکہ حملے کے بعد گاڑی کو آگ لگادی گئی۔

پولیس کے مطابق اسسٹنٹ کمشنر میرانشاہ سے بنوں آ رہے تھے، پولیس جائے وقوع پر پہنچ گئی۔

ریجنل پولیس آفس (آر پی او) کے ترجمان کاشف نواز نے ڈان سے گفتگو میں واقعے کی تصدیق کرتے ہوئے بتایا کہ حملہ کینٹ تھانے کی حدود میں ہوا۔

انہوں نے مزید کہا کہ حملے میں 2 کانسٹیبلز اور ایک مقامی شہری شہید ہوئے، جبکہ 2 دیگر پولیس اہلکار زخمی ہوئے۔

پاکستان میں حالیہ عرصے کے دوران خصوصاً خیبر پختونخوا اور بلوچستان میں دہشت گرد حملوں میں اضافہ دیکھا گیا ہے، جب سے کالعدم تحریکِ طالبان پاکستان (ٹی ٹی پی) نے 2022 میں حکومت کے ساتھ جنگ بندی ختم کی تھی۔

جنگ بندی کے خاتمے کے بعد ٹی ٹی پی نے سیکیورٹی فورسز، پولیس اور قانون نافذ کرنے والے اداروں کے اہلکاروں کو نشانہ بنانے کا اعلان کیا تھا۔

پولیس کے مطابق لکی مروت میں خودکش بمبار نے پولیس اسٹیشن تجوڑی کی موبائل کو نشانہ بنایا، خودکش دھماکے میں ایک پولیس اہلکار شہید جبکہ 5 زخمی ہوگئے۔

پولیس کے مطابق حملے کے فوری بعد پولیس کی بھاری نفری موقع پر پہنچ گئی اور علاقے میں سرچ آپریشن شروع کردیا۔

11ویں این ایف سی کی تشکیل، رواں برس 22 اگست کو وفاقی تقسیم شدہ وسائل کو مرکز اور صوبوں کے درمیان تقسیم کرنے کے لیے ایک نئے ایوارڈ کو حتمی شکل دینے کی غرض سے کی گئی تھی، این ایف سی کا اجلاس 27 اگست کو ہونا تھا، جو نامعلوم وجوہات کی بنا پر 29 اگست تک مؤخر کر دیا گیا تھا۔

اس کے بعد اجلاس سندھ حکومت کی درخواست پر سیلابی صورتحال کے باعث دوبارہ ملتوی ہوا، بعدازاں یہ اجلاس 17 نومبر پھر 18 نومبر کو شیڈول کیا گیا، تاہم وزیر اعظم آفس کی درخواست پر ایک بار پھر ملتوی کر دیا گیا۔

رواں ہفتے کے آغاز میں وزیر اعلیٰ آفریدی نے کہا تھا کہ وفاقی حکومت این ایف سی کے تحت صوبے کو 1.3 کھرب روپے ادا کرنے کی مقروض ہے۔

پشاور میں پریس کانفرنس سے خطاب کرتے ہوئے وزیر اعلیٰ نے کہا کہ سابقہ قبائلی علاقوں کو 2018 میں انتظامی طور پر خیبر پختونخوا میں ضم کیا گیا تھا لیکن مالی طور پر ابھی تک انضمام نہیں ہوا۔

اُن کا کہنا تھا کہ ضم شدہ اضلاع کے لیے این ایف سی کا حصہ 2018 سے خیبر پختونخوا کو ادا نہیں کیا گیا، جو کہ ’آئینی خلاف ورزی‘ ہے۔

سہیل آفریدی نے مزید کہا کہ وفاقی حکومت کو صوبائی حکومت کی ان تجاویز پر غور کرنا چاہیے جو صوبے میں دیرپا امن برقرار رکھنے کے لیے ضروری ہیں، کیونکہ ’بند دروازوں کے پیچھے کیے گئے فیصلے‘ خیبر پختونخوا کو متاثر کرتے ہیں۔

وزیر اعلیٰ آفریدی نے کہا کہ اگر وفاقی حکومت ہماری تجاویز پر عمل کرے تو فیصلوں کا نفاذ اور امن و امان برقرار رکھنا ہماری ذمہ داری ہوگی، اُن کا کہنا تھا کہ صوبائی حکومت چاہتی ہے کہ صوبے میں امن سے متعلق کسی بھی فیصلے میں تمام اسٹیک ہولڈرز کو اعتماد میں لیا جائے۔

وزیر اعلیٰ نے الزام لگایا کہ ’اصل طاقت رکھنے والوں‘ نے ہمیشہ کوشش کی کہ پی ٹی آئی کو تصادم کی طرف دھکیلا جائے، تاہم انہوں نے زور دیا کہ پارٹی پُر امن رہے گی، تاہم قربانی دینے سے کبھی نہیں ہچکچائے گی۔

وزیر اعلیٰ نے کہا کہ مسلسل کوششیں کی گئیں کہ پی ٹی آئی کو تنہا کیا جائے اور پُر امن مظاہرین پر گولیاں چلائی گئیں، انہوں نے یہ دعویٰ بھی کیا کہ بانی پی ٹی آئی عمران خان کو قید تنہائی میں رکھا جا رہا ہے اور ان کے تمام مہمانوں، حتیٰ کہ بہنوں کو بھی ملاقات سے روکا جا رہا ہے۔

وزیر اعلیٰ نے بتایا کہ پی ٹی آئی نے فیصلہ کیا ہے کہ تمام پارلیمنٹیرین منگل کو اسلام آباد ہائی کورٹ (آئی ایچ سی) کے باہر پُرامن احتجاج کریں گے، وہ عمران خان کی بہنوں کے ساتھ اڈیالہ جیل بھی جائیں گے جبکہ صوبائی حکومت پارٹی قیادت کی ہدایات پر عمل کرے گی۔

وزیر اعلیٰ نے کہا کہ بین الاقوامی میڈیا میں عمران خان کی صحت سے متعلق خبروں کے بعد وہ 27 نومبر کو اڈیالہ جیل گئے تاکہ ملاقات کر سکیں، لیکن انہیں ملاقات کی اجازت نہ ملی، باوجود اس کے کہ انہوں نے پوری رات جیل کے باہر دھرنا دیا۔

سہیل آفریدی نے کہا کہ انہوں نے اڈیالہ جیل کے باہر دھرنا اس لیے دیا کیونکہ ان کی جماعت کے ساتھ ناروا سلوک ہو رہا تھا، انہوں نے یہ بھی دعویٰ کیا کہ جہاں بعض وزرائے اعلیٰ کے لیے سہولیات فراہم کی جاتی ہیں اور پاکستان ایئر فورس کے طیارے پیش کیے جاتے ہیں، وہاں اُن کا نام پاسپورٹ کنٹرول لسٹ میں ڈال دیا گیا۔

سوالات کے جواب دیتے ہوئے وزیر اعلیٰ نے کہا کہ خیبر پختونخوا کا کوئی حصہ بھی شدت پسندوں کے کنٹرول میں نہیں، تاہم بغیر نام لیے انہوں نے دعویٰ کیا کہ ’پورا ملک ایک ہی شخص کے کنٹرول میں ہے‘۔

ایک اور سوال کے جواب میں وزیر اعلیٰ نے کہا کہ وادی تیراہ میں ان کے خاندان کی ملکیت میں جائیدادیں ہیں تاہم اُن کی ذاتی ملکیت میں کوئی جائیداد نہیں۔

سہیل آفریدی نے کہا کہ ان کے خلاف حالیہ ڈاکیومنٹری عوام کی توجہ ہٹانے کی کوشش تھی، لیکن عوام نے ان لوگوں کی بات پر یقین نہیں کیا۔

انہوں نے کہا کہ عوام سب کچھ جانتے ہیں، وہ جانتے ہیں کہ کون جھوٹ بول رہا ہے، ہم چاہتے ہیں کہ سب لوگ اپنا کام کریں اور تب ہی ملک ترقی کرے گا۔

کے پی گورنر نے یہ بیان صحافیوں سے گفتگو کے دوران دیا، جنہوں نے ان سے ان کی ممکنہ تبدیلی کے بارے میں ردِعمل مانگا تھا۔

جب ایک صحافی نے کہا کہ اس معاملے میں “مجموعی طور پر چھ نام” سامنے آ چکے ہیں، تو کنڈی نے پوچھا: “وہ کہاں سامنے آئے ہیں؟”

اس پر صحافی نے کہا کہ یہ نام میڈیا میں رپورٹ ہو رہے ہیں۔

اس کے جواب میں کنڈی نے کہا: “اب اگر میڈیا ہی گورنر مقرر کرے گا، تو پھر اللہ ہی ہم پر رحم کرے۔”

اپنی ممکنہ برطرفی کے سوال پر گورنر نے کہا کہ وہ “پارٹی کا جو بھی فیصلہ ہوگا، قبول کریں گے”۔

حالیہ دنوں میں فیصل کریم کنڈی کو ہٹائے جانے سے متعلق میڈیا رپورٹس گردش کر رہی ہیں، جن کی انہوں نے پہلے بھی تردید کی تھی۔ اس وقت بھی ان کا کہنا تھا کہ وہ “پاکستان پیپلز پارٹی کی قیادت کا کوئی بھی فیصلہ قبول کریں گے”۔

ان خبروں کے دوران فیصل کریم کنڈی نے گزشتہ ہفتے وزیرِ اعظم شہباز شریف سے بھی ملاقات کی تھی، جس میں خیبر پختونخوا سے متعلق معاملات، بشمول گورنر راج کے نفاذ کے امکان پر تبادلۂ خیال کیا گیا تھا۔

اس وقت وزیرِ اعظم ہاؤس کے ایک ذریعے نے بتایا تھا کہ وزیرِ اعظم نے فیصل کریم کنڈی پر بھرپور اعتماد کا اظہار کیا اور اس بات کے اشارے دیے کہ حکومت انہیں ہٹانے کا کوئی ارادہ نہیں رکھتی۔

اس ملاقات میں خیبر پختونخوا کے اہم انتظامی امور اور ملک کی مجموعی سیاسی صورتِ حال پر بھی بات ہوئی، جس میں وفاقی وزیر برائے امورِ کشمیر انجینئر امیر مقام اور وفاقی وزیر برائے عوامی امور رانا مبشر اقبال بھی موجود تھے۔

ذرائع کے مطابق اس موقع پر خیبر پختونخوا میں گورنر راج نافذ کرنے کے معاملے پر بھی گفتگو ہوئی، جس کی وجہ وزیر اعلیٰ سہیل آفریدی کا مرکز، مسلح افواج اور بیوروکریسی کے خلاف سخت مؤقف بتایا گیا۔

گورنر کنڈی نے اس موقع پر وزیرِ اعظم سے یہ درخواست بھی کی کہ آنے والے نیشنل فنانس کمیشن (این ایف سی ) ایوارڈ میں خیبر پختونخوا کو اس کا جائز حصہ دیا جائے۔

معاون خصوصی برائے اطلاعات شفیع جان نے اپنے بیان میں کہا کہ وزیراعلیٰ سہیل آفریدی نے این اے 18 ہری پور ضمنی انتخابات کی انکوائری کا فیصلہ کر لیا اور پارٹی کو انکوائری کا اختیار دے دیا ہے۔

شفیع جان کے مطابق ضمنی الیکشن میں کلاس فور سے لیکر ڈپٹی کمشنر تک کی مکمل انکوائری ہوگی، کسی بھی اہلکار یا افسر کے ملوث ہونے پر سخت تادیبی کارروائی ہوگی۔

انہوں نے کہاکہ ہمیں یقین ہے کہ صوبائی حکومت کے ماتحت ملازمین اور افسران دھاندلی میں ملوث نہیں، پھر بھی شفافیت کیلیے انکوائری کر رہے ہیں۔

شفیع جان نے کہا کہ ضمنی انتخابات میں مبینہ دھاندلی پر الیکشن کمیشن کو ریفرنس بھیج رہے ہیں جبکہ پریذائیڈنگ افسران کے بیانات اور بیان حلفی قلمبند کیے جا رہے ہیں۔

ڈان نیوز کے مطابق پاک فوج کے شعبہ تعلقات عامہ کے اعلامیے میں بتایا گیا کہ کامیاب کارروائی فتنۃ الخوارج کے دہشتگردوں کی موجودگی کی اطلاع پر کی گئی، اس دوران فورسز اور فتنۃ الخوارج کے درمیان شدید فائرنگ کا تبادلہ بھی ہوا۔

آئی ایس پی آر کے مطابق دو طرفہ فائرنگ کے تبادلے میں 22 خوارج کو جہنم واصل کر دیا گیا جب کہ علاقے میں کلیئرنس اور سینیٹائزیشن آپریشن جاری ہے۔

اعلامیے میں کہا گیا کہ سیکیورٹی فورسز کی جانب سے دہشتگردی کے خاتمے کا عمل تیز کر دیا گیا ہے،
ملک سے بیرونی حمایت یافتہ دہشت گردی کا مکمل خاتمہ ضروری ہے۔