بالی وڈ اداکار رنبیر کپوراور دیپیکا پڈوکون۔- فائل فوٹو

ممبئی: بالی وڈ کے چاکلیٹی ہیرو اور گلیمرس گرل دیپیکا پڈوکون کی حالیہ دنوں ریلیز ہونے والی فلم 'یہ جوانی ہے دیوانی' روس میں بھی نمائش کے لیے پیش کی جائے گی۔

ذرائع کے مطابق، فلم باکس آفس پر کافی کامیاب رہی ہے اور فلم نے ریلیز کے پہلے ہفتے میں 100 کروڑ کا بزنس کیا تھا۔

فلم کا سفر کامیابی سے جاری ہے اور اب تک ایک سو پچپن کروڑ کا بزنس کرنے میں کامیاب ہوچکی ہے۔

دونوں اداکاروں نے فلم میں بھرپور اداکاری کے بعد لوگوں کی توقعات پوری کردیں، فلم کے دیگر اداکاروں میں ادیتیا رائے کپور اور کالکی کوچلن بھی شامل ہیں۔

واضح رہے کہ فلم کی نمائش سے تین دن پہلے رنبیر کپور روس جائیں گے اور وہاں فلم کی تشہیری مہم میں حصہ لیں گے ۔