گدھوں کی کھال برآمد کرنے پر پابندی عائد

کابینہ کی اقتصادی رابطہ کمیٹی کے اجلاس میں پابندی کا فیصلہ کیا گیا...فائل فوٹو: اے پی پی
کابینہ کی اقتصادی رابطہ کمیٹی کے اجلاس میں پابندی کا فیصلہ کیا گیا...فائل فوٹو: اے پی پی

اسلام آباد: اقتصادی رابطہ کمیٹی (ای سی سی) نے گدھوں کی کھال برآمد کرنے پر پابندی عائد کر دی۔

کابینہ کی اقتصادی رابطہ کمیٹی کا اجلاس اسلام آباد میں وفاقی وزیر خزانہ اسحاق ڈار کی زیرصدارت ہوا.

ویڈیو دیکھیں : مردہ گدھے اور گھوڑے کا گوشت 140 روپے فی کلو

اجلاس میں فیصلہ کیا گیا کہ کھال برآمد کرنے پر پابندی صوبوں کی جانب سے گدھوں کے گوشت اور ہڈیوں کو تلف کرنے کا طریقہ کار وضع کرنے تک عائد رہے گی۔

خیال رہے ملک کے مختلف علاقوں میں حرام جانوروں کے گوشت کے واقعات حالیہ دنوں میں سامنے آئے ہیں، ان جانوروں گھوڑے اور گدھے بھی شامل ہیں۔

یہ بھی پڑھیں : 'سور' کے گوشت کی فروخت کا انکشاف

وزیر خزانہ اسحاق ڈار کی زیرصدارت کابینہ کی اقتصادی رابطہ کمیٹی کے اجلاس میں ٹریڈنگ کارپوریشن کو پچاس ہزار میٹرک ٹن یوریا کھاد درآمد کرنے کی بھی اجازت دی گئی۔

علاوہ ازیں ایران سے بجلی کی درآمد جاری رکھنے کی بھی اجازت دے دی گئی ہے۔

تبصرے (1) بند ہیں

Sharminda Sep 03, 2015 05:15pm
What a smart move :)