'باجی راؤ مستانی' میں دپیکا کے خوبصورت ملبوسات
بولی وڈ دلکش اداکارہ دپیکا پڈوکون نے اپنی آنے والی فلم ’باجی راؤ مستانی‘ کے ملبوسات پہن کر ریمپ پر واک کی جسے دیکھنے والوں کے ہوش اڑادیے۔
انڈیا ٹوڈے کے مطابق اداکارہ دپیکا نے حال ہی میں ڈیزائنر انجو مودی کے ملبوسات پہن کر ریمپ واک کی۔
یہ تمام ملبوسات دپیکا کی فلم ’باجی راؤ مستانی‘ کے لیے ڈیزائن کیے گئے ہیں۔
حال ہی میں دپیکا نے اس فلم کا گانا ’دیوانی مستانی‘ بھی لانچ کیا۔
دپیکا کا گانے کی لانچ کے دوران میڈیا سے بات کرتے ہوئے کہنا تھا کہ ان کا ذاتی اسٹائل کافی بورنگ ہے جس کے باعث وہ ڈیزائنرز پر انحصار کرتی ہیں۔
فلم ’باجی راؤ مستانی‘ میں دپیکا کے کردار کی وجہ سے ان کے تمام ملبوسات نہایت ہی شاہی انداز میں بنائے گئے ہیں۔
سنجے لیلا بھنسالی کی ہدایت میں بننے والی فلم ’باجی راؤ مستانی‘ کی کہانی باجی راؤ پیشوا اور رقاصہ مستانی کی محبت پر مبنی ہے۔ یہ کردار اداکار رنویر سنگھ اور دپیکا پڈوکون ادا کر رہے ہیں۔
ان کے ساتھ اداکارہ پریانکا باجی راؤ کی پہلی بیوی کاشی بائی کا کردار ادا کررہی ہیں۔
فلم 18 دسمبر کو سنیما گھروں میں نمائش کے لیے پیش کی جائے گی۔
لائیو ٹی وی