Email


Your Name:


Recipient Email:


فرح اور سیریش اپنے بچوں کے ہمراہ—۔فائل فوٹو
فرح اور سیریش اپنے بچوں کے ہمراہ—۔فائل فوٹو

بولی وڈ اداکارہ، ہدایتکارہ اور کوریوگرافر فرح خان تو اپنی حاضر جوابی کے لیے مشہور ہیں ہی، لیکن ان کے شوہر سیریش کندر بھی کچھ کم نہیں۔

فرح اور سیریش کندر کی شادی دسمبر 2004 میں ہوئی، ان کی 2 بیٹیاں اور ایک پیٹا ہے۔

فرح کے شوہر ایک مصنف، ڈائریکٹر، ایڈیٹر اور کمپوزر ہیں، ساتھ ہی وہ بہترین حسِ مزاح بھی رکھتے ہیں اور سماجی رابطے کی ویب سائٹ ٹوئٹر پر اس کا ثبوت بھی دیتے رہتے ہیں۔

حال ہی میں سیریش نے امریکی ریاست ایریزونا میں واقع گرینڈ کینیون نیشنل پارک میں لی گئی فرح خان اور اپنے بچوں کی ایک تصویر ٹوئٹر پر شیئر کی اور ساتھ میں لکھا، 'میری فیملی مجھے پہاڑ سے نیچا دھکا دے کر فخریہ انداز میں گرینڈ کینیون پر پوز دے رہی ہے'۔

ساتھ ہی انھوں نے لکھا، 'یہاں وقت کا بالکل اندازہ نہیں ہورہا، کیا یہ 2017 ہی ہے؟'

جس کے بعد ایک خاتون نے ٹوئٹر پر سیریش سے سوال کیا کہ آپ کے بچوں کا مذہب کیا ہے؟

جس پر سیریش نے جواب دیا، 'اس کا انحصار اس بات پر ہے کہ کون سا تہوار قریب ہے، گذشتہ ماہ وہ مسیحی تھے'۔

یہاں سیریش نے 25 دسمبر کو ہونے والے مسیحی برادری کے مذہبی تہوار کرسمس کی طرف اشارہ کیا تھا۔

واضح رہے کہ فرح خان مسلمان ہیں جبکہ ان کے شوہر ہندو مت کے پیروکار ہیں۔

دوسری جانب اپنی اہلیہ کی سالگرہ کے موقع پر آج انھوں نے فرح خان کے لیے بھی ایک پیغام دیا، لیکن یہاں بھی مذاق کو ہاتھ سے جانے نہیں دیا اور لکھا، 'میری بیگم کو سالگرہ مبارک، جو مجھ سے 8 سال بڑی ہے لیکن مجھ سے 20 سال چھوٹی ہے'۔

ساتھ ہی انھوں نے مذاقاً لکھا کہ اس ٹوئیٹ کے لیے انھیں پیسے دیئے گئے۔

سیریش کندر ٹوئٹر پر اس وقت کافی مقبول ہیں اور ان کو فالو کرنے والے افراد کی تعداد 2 لاکھ 91 ہزار کے قریب ہے۔

زیادہ پڑھی جاٰنے والی خبریں

گزشتہ 24 گھنٹوں کے دوران

خون کی کمی یا اینیمیا کیا ہے؟

خون کی کمی یا اینیمیا کیا ہے؟
جسم میں خون کی کمی یا انیمیا درحقیقت جسم میں خون کے سرخ خلیات کی کمی کو کہا جاتا ہے جو آکسیجن کی فراہمی کا کام کرتے ہیں۔
شائع اکتوبر 21, 2016 12:02am

LARGE_RECTANGLE_BOTTOM - /1029551/Dawn_ASA_Unit_670x280


تبصرے (0) بند ہیں