Email


Your Name:


Recipient Email:


ویسٹ انڈیز نے ٹیم کے سابق کپتان جمی ایڈمز کو تین سال کے لیے ڈائریکٹر کرکٹ مقرر کردیا۔

ویسٹ انڈیز کرکٹ بورڈ کی جانب جاری اعلامیے کے مطابق جمی ایڈمز نے بورڈ کے ساتھ تین سال کے معاہدے پر دستخط کرلیے ہیں۔

49 سالہ جمی ایڈمز نے ویسٹ انڈیز کی جانب سے 54 ٹیسٹ اور 27 ایک روزہ میچ کھیلے جبکہ 15 ٹیسٹ اور 26 ایک روزہ میچوں میں ٹیم کی قیادت بھی کی۔

جمی ایڈمز کی ذمہ داریوں میں کرکٹ کی ٹیموں کی بہتری، کوچنگ اور دیگر ٹیکنیکل پروگراموں کا انتظام شامل ہے۔

جمی ایڈمز کا کہنا تھا کہ 'میں کیریبیئن کرکٹ کے ساتھ ایک مرتبہ پھر براہ راست منسلک ہونے پر بہت خوش ہوں اور ویسٹ انڈیز ٹیم کی ترقی کے لیے پرعزم ہوں'۔

واضح رہے کہ انگلینڈ سے تعلق رکھنے والے رچرڈ پائی بس 2013 سے ویسٹ انڈیز کے ڈائریکٹر کرکٹ کے طورپر کام کررہے تھے۔

دوسری جانب ویسٹ انڈیز کرکٹ ٹیم مستقل ہیڈ کوچ سے محروم ہے کیونکہ فل سمنز نے ورلڈ ٹی ٹوئنٹی میں کامیابی کے صرف 5 ماہ بعد اپنے عہدے سے استعفیٰ دے دیا تھا۔

زیادہ پڑھی جاٰنے والی خبریں

گزشتہ 24 گھنٹوں کے دوران

خون کی کمی یا اینیمیا کیا ہے؟

خون کی کمی یا اینیمیا کیا ہے؟
جسم میں خون کی کمی یا انیمیا درحقیقت جسم میں خون کے سرخ خلیات کی کمی کو کہا جاتا ہے جو آکسیجن کی فراہمی کا کام کرتے ہیں۔
شائع اکتوبر 21, 2016 12:02am

LARGE_RECTANGLE_BOTTOM - /1029551/Dawn_ASA_Unit_670x280


تبصرے (0) بند ہیں