کون کہتا ہے کہ اداکار اداکاری کرنے کے علاوہ کوئی اور کام نہیں کرسکتے؟ پاکستانی ماڈل اور اداکار فہد مرزا جو پیشے سے ڈاکٹر بھی ہیں نے ثابت کیا کہ وہ ایک بہترین اداکار ہونے کے ساتھ ساتھ کافی سمجھدار بھی ہیں۔

معروف اداکار فہد مرزا نے فیلوشپ آف دی کالج آف فزیشنز اینڈ سرجنز (ایف سی پی ایس) کے دوسرے حصے کے امتحان کو پاس کر لیا۔

انہوں نے پلاسٹک سرجری میں اپنا امتحان پاس کیا ہے۔

فہد مرزا نے سماجی رابطے کی ویب سائٹ فیس بک پر بھی اپنی اس کامیابی کو مداحوں سے شیئر کیا۔

دلچسپ بات یہ ہے کہ فہد مرزا صوبہ سندھ میں ایف سی پی ایس پارٹ 2 کا امتحان پہلی کوشش میں کامیاب کرنے والے پہلے شخص ہیں، اور یہ بات انہوں نے خود اپنی فیس بک پوسٹ میں اپنے مداحوں کو بتائی۔

مزید پڑھیں: ثروت گیلانی کی زندگی میں نئے مہمان کی آمد

فہد مرزا کو اس کامیابی پر ڈاکٹر اداکار کے مداحوں نے مبارکبادیں بھی دینا شروع کردی۔

خیال رہے کہ فہد مرزا اداکارہ ثروت گیلانی کے شوہر بھی ہیں۔

ان دونوں کی شادی 2014 میں ہوئی، ان کا ایک بیٹا بھی ہے۔