پاکستان نے ویسٹ انڈیز کو چوتھے ٹی20 میچ میں نو وکٹوں سے شکست دے کر سیریز میں 3-1 سے کامیابی حاصل کر لی۔

پورٹ آف اسپین میں کھیلے گئے سیریز کے چوتھے اور آخری ٹی20 میچ میں پاکستانی باؤلرز خصوصاً حسن علی نے عمدہ کھیل کا مظاہرہ کرتے ہوئے ویسٹ انڈیز کو اچھے آغاز کے باوجود 124 رنز تک محدود کردیا۔

جواب میں بابر اعظم اور احمد شہزاد نے بہترین بیٹنگ کا مظاہرہ کرتے ہوئے ٹیم کو نو وکٹ سے فتح دلانے کے ساتھ ساتھ سیریز میں بھی 3-1 کی کامیابی سے ہمکنار کرا دیا۔