کوئٹہ کے علاقے سورینج میں کوئلہ کی کان بیٹھ جانے سے 4 مزدور جاں بحق ہوگئے۔

لیویز عہدیدار نے ڈان نیوز کو بتایا کہ کان میں کام کرنے والے چاروں مزدور کان بیٹھنے سے موقع پر ہی ہلاک ہوگئے، جن کی لاشوں کو دو گھنٹے کے طویل ریسکیو آپریشن کے بعد نکالا گیا۔

جاں بحق ہونے والوں کا تعلق سوات کے علاقے شانگلہ سے تھا جبکہ ان کی شناخت کشمیر خان، عبدالقیوم، محمد عرفان اور محمد انور کے ناموں سے ہوئی۔

لیویز عہدیدار کا کہنا تھا کہ لاشوں کو پاکستان منرلز ڈویلپمنٹ سینٹر کے ہسپتال منتقل کیا، جو ضابطے کی کارروائی کے بعد ورثا کے حوالے کردی جائیں گی۔

یہ بھی پڑھیں: بلوچستان: کوئلے کی کان میں مزید 3 مزدور ہلاک

بلوچستان میں کوئلے کی کانوں میں کام کرنے والے مزدور انتہائی مخدوش حالات میں کام کرنے پر مجبور ہیں۔

بلوچستان میں کان کنوں کو نامصائب حالات کے ساتھ ساتھ سیکیورٹی کی خراب صورتحال کا بھی سامنا کرنا پڑتا ہے۔

مزید پڑھیں: بلوچستان: کوئلے کی کان میں زہریلی گیس سے 7 مزدور ہلاک

قبل ازیں صوبے کی کئی کانوں میں دھماکے کے واقعات بھی پیش آچکے ہیں جن میں کئی مزدوروں لقمہ اجل بنے۔

ضرور پڑھیں

تبصرے (1) بند ہیں

Naveed Chaudhry May 25, 2017 10:20pm
Assalam O Alaikum There should be a quick and independent investigation and reponsible person or persons should be punished according to law. This may include government officials , Owner or contractor. In the mran time families effected should be suported financialy . This is a warning to law makers to review applicable laws, up grade the laws in reasonable time and implement it.