پاکستانی مسیحا روتھ فاؤ کی آخری رسومات
پاکستان میں جزام کے مریضوں کے علاج کے لیے اپنی عمر اور خدمات وقف کرنے والی جرمن نژاد پاکستانی مسیحا ڈاکٹر روتھ فاؤ کی آخری رسومات وزیراعظم شاہد خاقان عباسی کے اعلان کے مطابق سرکاری اعزاز کےساتھ ادا کی گئیں۔
صدر مملکت ممنون حسین، آرمی چیف جنرل قمر جاوید باجوہ سمیت تینوں مسلح افواج کے سربراہان نے بھی ڈاکٹر روتھ فاؤ کی تدفین میں شرکت کی۔
اس موقع پر آرمی چیف، ایئرچیف سمیت عسکری حکام نے ڈاکٹر روتھ فاؤ کو سلامی بھی دی۔
وزیراعلیٰ سندھ مراد علی شاہ، گورنر سندھ محمد زبیر سمیت متعدد اہم شخصیات اور شہریوں کی بڑی تعداد ڈاکٹر روتھ فاؤ کو آخری الوداع کہنے گورا قبرستان پہنچی جہاں سخت سیکیورٹی کے انتظامات کیے گئے تھے۔
اس سے قبل کراچی کے علاقے صدر میں واقع سینٹ پیٹرک چرچ میں پورے سرکاری اعزاز کے ساتھ ڈاکٹر روتھ فاؤ کی آخری رسومات ادا کی گئیں، مسلح افواج کے اہلکار ڈاکٹر روتھ کے جسدِ خاکی کو لے کر چرچ میں داخل ہوئے جبکہ ان کا تابوت پاکستانی پرچم میں لپٹا ہوا تھا۔
تبصرے (0) بند ہیں