بھارت کی جانب سے فلمی دنیا کے سب سے اعلیٰ اعزاز آسکر ایوارڈ کے لیے ہندوستانی سینما کی سب سے ذیادہ کمانے والی دوسری بڑی فلم کو نامزد نہ کیے جانے پر ’باہو بلی‘ ڈائریکٹر نے خاموشی توڑ دی۔

خیال رہے کہ ’باہو بلی‘ نے 1500 کروڑ بھارتی روپے کماکر ہندوستان کی سب سے ذیادہ کمائی کرنے والی فلم کا اعزاز اپنے نام کیا تھا، تاہم بولی وڈ فلم ’دنگل‘ ان سے کمائی میں زیادہ ہے، عامر خان کی فلم نے دنیا بھر سے 2 ہزار کروڑ روپے بٹورے ہیں۔

’باہو بلی‘ کی ٹیم اور شائقین کو امید تھی کہ اگر فلم آسکر ایوارڈ جیتنے میں کامیاب نہ بھی ہوئی تو اسے بھارت کی جانب سے کم سے کم آسکر کے لیے منتخب ضرور کیا جائے گا۔

یہ بھی پڑھیں: آسکرمیں نامزدگی کے لیے بولی وڈ فلم ’نیو ٹن‘ کا انتخاب

تاہم انڈیا نے ’باہو بلی‘ کے بجائے رواں ماہ 22 ستمبر کو ریلیز ہونے والی فلم ’نیو ٹن‘ کو آسکر کے لیے منتخب کیا، جس پر ’باہو بلی‘ شائقین میں مایوسی پھیل گئی۔

تاہم ’باہو بلی‘ کے ڈائریکٹر ایس ایس راجا ماؤلی اس حوالے سے کچھ اور ہی کہتے ہیں۔

مزید پڑھیں: باہو بلی کی کاسٹ کا معاوضہ کیا تھا؟

این ڈی ٹی وی نے خبر رساں ادارے ’آئی اے این ایس‘ کا حوالہ دیتے ہوئے بتایا کہ ’ایس ایس راجا ماؤلی کو اس بات پر کوئی افسوس نہیں کہ ان کی فلم کو آسکر کے لیے منتخب کیوں نہیں کیا گیا‘۔

خبر رساں ادارے سے گفتگو کے دوران ایس ایس راجا ماؤلی کا کہنا تھا کہ ان کا مقصد سونے کا تمغہ حاصل کرنا نہیں تھا، انہوں نے جب فلم بنائی تو انہوں نے ایوارڈز سے متعلق کچھ بھی نہیں سوچا تھا‘۔

’باہو بلی‘ کو آسکر کے لیے منتخب نہ کیے جانے پر مایوسی سے متعلق پوچھے گئے سوال کے جواب میں انہوں نے نفی میں جواب دیتے ہوئے کہاِ انہیں کوئی مایوسی نہیں ہوئی‘۔

یہ بھی پڑھیں: باہو بلی سے متعلق حیران کن انکشافات

ان کا کہنا تھا کہ ان کی جانب سے فلم بنانے کا مقصد خود کو مطمئن کرنا، اور ذیادہ سے ذیادہ لوگوں تک فلم کو پہنچانا اور اس کے ذریعے ڈھیر سارے پیسے کمانا تھا۔

ڈائریکٹر کا کہنا تھا کہ ’باہو بلی‘ سیریز 150 کروڑ روپے میں تیار ہوئی، جو اس کی کمائی کا صرف ایک فیصد حصہ ہے۔