برائڈل فیشن ویک میں اداکاراؤں و ماڈلز کے جلوے

لاہور میں ہونے والے فیشن ویک میں پہلے دن ریشم اور حمیمہ ملک سمیت دیگر خوبرو ماڈلز نے ریڈ کارپٹ پر جلوے بکھیرے

ملیحہ رحمانشائع 15 اکتوبر 2017 06:19pm

پاکستان فیشن ڈزائنر کونسل (پی ایف ڈی سی) کے پئرس لوریل برائڈل فیشن ویک 2017 (پی ایل بی ڈبلیو) کا لاہور میں آغاز ہوگیا۔

برائڈل فیشن ویک میں متعدد فیشن ڈزائنرز اور فیشن ہاؤسز کی جانب سے دیدہ زیب اور خوبصورت ملبوسات متعارف کرائی گئیں۔

فیشن شو کے پہلے دن اداکارہ ریشم اور حمیمہ ملک سمیت دیگر خوبصورت ماڈلز نے ریڈ کارپٹ پر دیدہ زیب لباس کے ساتھ جلوے بکھیرے۔

فیشن ویک کے پہلے دن رائمہ ملک، شمسہ ہاشوانی، شیزا حسن علی ذیشان تھیٹرز اور دیگر ڈزائنرز کی ملبوسات پیش کی گئیں۔

فیشن ویک کے آغاز میں رائمہ ملک کے زیورات اور دلہن کے ڈزائنز کو بہت سراہا گیا، جب کہ شیزا حسن، شمسہ ہاشوانی اور علی ذیشان تھیٹرز کے ملبوسات نے بھی شائقین کی توجہ حاصل کرنے میں کامیاب رہے۔