پاکستان نے سری لنکا کے خلاف ایک روزہ سیریز میں کامیابی کے بعد ٹی ٹوئنٹی سیریز کے دوسرے میچ میں بھی 2 وکٹوں سے جیت کے ساتھ فیصلہ کن برتری حاصل کرلی۔

سرفرازاحمد نے ٹاس جیت کر سری لنکا کو پہلے بیٹنگ کی دعوت دی تو پہلی وکٹ کی شراکت میں 44 رنز بنے تاہم گناتھیلاکا کی اننگز کے خاتمے کے ساتھ ہی سری لنکن بلے باز وکٹ پر ٹھہرنے میں ناکام ہوئے اور مقررہ اوورز میں 9 وکٹوں پر 124 رنز بنا سکے۔

پاکستان کی جانب سے ہدف کے تعاقب میں آغاز اتنا اچھا نہیں تھا فخر زمان سیریز میں ایک مرتبہ پھر ناکام ہوئے اور صرف 11 رنز بنا کر آؤٹ ہوئے۔

کپتان سرفراز احمد نے قیمتی 28 رنز بنا کر ٹیم کو جیت کے قریب لایا جبکہ احمد شہزاد نے 27 رنز بنائے۔

شاداب خان نے آخری اوور میں ذمہ دارانہ بلے بازی کا مظاہرہ کرتے ہوئے 12 رنز حاصل کرکے ٹیم کو میچ کے ساتھ ساتھ ٹی ٹوئنٹی سیریز میں بھی کامیابی دلا دی۔

سیریز کا آخری میچ لاہور میں کھیلا جائے گا۔