نیوزی لینڈ نے مارٹن گپٹل کی جارحانہ بیٹنگ کی بدولت پاکستان کو سیریز کے دوسرے ون ڈے میچ میں آٹھ وکٹوں سے شکست دے کر سیریز میں 2-0 کی برتری حاصل کر لی۔

نیلسن میں کھیلے گئے دوسرے میچ میں ٹاس جیت کر پہلے بیٹنگ کرنے والی پاکستان کے بلے باز ایک مرتبہ پھر ناکامی سے دوچار ہوئی اور محمد حفیظ کے 60 رنز کے باوجود اس کے سات کھلاڑی 141رنز پر پویلین لوٹ چکے تھے۔

حسن علی اور شاداب خان کی نصف سنچریوں کی بدولت پاکستانی ٹیم 246 رنز کا مجموعہ اسکور بورڈ پر سجایا۔

ہدف کے تعاقب میں نیوزی لینڈ نے دو وکٹ کے نقصان پر 64 رنز بنائے تھے کہ میچ میں بارش نے مداخلت کردی اور ڈیڑھ گھنٹے تک میچ دوبارہ شروع نہ ہو سکا۔

بارش رکنے پر کھیل دوبارہ شروع ہوا تو نیوزی لینڈ کو 25 اوورز میں 151 رنز کا نظرثانی شدہ ہدف دیا گیا جو اس نے مارٹن گپٹل کی جارحانہ بیٹنگ کی بدولت سات گیندوں قبل حاصل کر کے میچ میں آٹھ وکٹ سے فتح حاصل کر لی۔