'ابتسام اور محمد اصغر پشاور زلمی کے بہترین باؤلرز ہیں'
اپ ڈیٹ 20 فروری 2018
پشاور زلمی کے باؤلنگ کوچ اور عظیم آف اسپنر ثقلین مشتاق نے اپنی ٹیم کے اسپن باؤلنگ اٹیک پر اعتماد کا اظہار کرتے ہوئے کہا ہے کہ وہ اسپنرز کی صلاحیتیں بڑھانے کی کوششوں میں مصروف ہیں تاکہ ان کی ٹیم ٹائٹل کا دفاع کر سکے۔
پشاور زلمی کے اسپن بولنگ کنسلٹنٹ کا کہنا تھا کہ میرے ساتھ یونس خان اور محمد اکرم جیسے اسٹارز موجود ہیں اور وہ بھی ٹیم پر بہت محنت کر رہے ہیں۔
انہوں نے مزید کہا کہ میں بہت پرجوش ہوں، ہماری ٹیم کے کھلاڑی بہت ٹیلنٹڈ ہیں جن میں خاص طور پر ابتسام اور محمد اصغر بہترین کارکردگی دکھا رہے ہیں۔
واضح رہے کہ دبئی میں پاکستان سپر لیگ کے تیسرے ایڈیشن کی ٹرافی کی تقریب رونمائی کردی گئی جہاں تقریب میں پاکستان کرکٹ بورڈ کے چیئرمین نجم سیٹھی اور تمام چھ ٹیموں کے قائدین نے شرکت کی۔
تبصرے (0) بند ہیں