صحت غذ١ کاروبار موبائل فون‎حیرت انگیز غزہ المیہ ایران اسرائیل کشیدگی

بولی وڈ کی سپر ہیرو سائنس فکشن فنٹیسی فلم ’ڈیڈ پول 2‘ کا نیا ٹریلر جاری کردیا گیا، جو پہلے ٹریلر کے مقابلے زیادہ خطرناک، سسپینس، ایکشن، فائٹ اور رومانس سے بھرپور ہے۔

واضح رہے کہ ’ڈیڈ پول 2‘ کا پہلا ٹیزر ٹریلر رواں برس فروری میں جاری کیا گیا تھا، جس میں فلم کے سپر ہیرو سے بھی طاقتور ولن ’کیبل‘ کو تباہی مچاتے ہوئے دکھایا گیا تھا۔

فلم کی پہلی جھلک گزشتہ برس اگست میں جاری کی گئی تھی، یہ فلم 2016 میں ریلیز ہونے والی فلم ’ڈیڈ پول‘ کا سیکوئل ہے۔

قریبا ڈھائی منٹ کے جاری کیے گئے فلم کے نئے ٹریلر میں ہیرو ڈیڈپول کو نہ صرف طاقتور ولن کیبل بلکہ دیگر کئی خطرناک نئے کرداروں سے بھی لڑتے ہوئے دکھایا گیا ہے۔

یہ بھی پڑھیں: جنگ میں پیدا ہونے اور پلنے والے’ ڈیڈپول‘ کے کیبل کی دھوم

ٹریلر میں ایکشن، مار دھاڑ، کامیڈی، سسپینس اور رومانس کے مناظر کو دیکھ کر یوں لگتا ہے کہ ڈیڈپول 2 پہلی فلم کے مقابلے کہیں زیادہ بہتر ہوگی۔

فلم کے ٹریلر میں جہاں ڈیڈ پول جرائم پیشہ جنگجؤں سے لڑتے نظر آتے ہیں، وہیں وہ رومانس بھی کرتے نظر آتے ہیں۔

فلم میں سپر ہیرو کا ساتھ دینے کے لیے اس بار ’ایکس فورس‘ نامی ٹیم کے نئے کردار بھی شامل کیے گئے ہیں، جو ولن کیبل سے بچوں کو قتل کرنے سے بچاتے نظر آئیں گے۔

مزید پڑھیں: ڈیڈ پول 2 کا ولن سپر ہیرو سے بھی طاقتور

اس بار صرف فلم کے ہیرو کو طاقتور نہیں بنایا گیا، بلکہ ولن کیبل کی طاقت بھی بڑھا کر اسے سب سے زیادہ بدکردار بنایا گیا ہے۔

20 سینچری فاکس اسٹوڈیو کے بینر تلے بننے والی اس فلم کو رواں برس 18 مئی میں ریلیز کیا جائے گا۔

فلم کی ہدایات ڈیوڈ لیچ نے دی ہیں، جب کہ فلم کی دیگر کاسٹ میں برائنا ہلڈی برانڈ، مورینا بیکرین، ٹی جے ملر، جیکی کیسی، جولین ڈینیسن اور اسٹیفن کیپکک بھی ایکشن میں نظر آئیں گے۔