ہم شوکیس پہلے روز کے بہترین لکس

ہم شوکیس کو شروع ہوئے ابھی صرف دو سال ہی ہوئے تھے کہ اس کے دوسرا ایڈیشن نے آتے ہی فیشن کی دنیا میں دھوم مچادی۔

شو میں حصہ لینے والے ڈیزائنرز کی شاندار کلیکشنز نے شائقین کو متاثر کرنے میں کوئی کسر نہ چھوڑی۔

ڈیزائنرز کے علاوہ پاکستان کے نامور ماڈلز ریمپ پر شاندار انداز میں جلوہ گر ہوئیں، جبکہ انٹرنیشنل ماڈلز بھی اس دوران ریمپ پر نظر آئے۔

تین روز پر مشتمل اس شو کی ایک خاص بات یہ بھی ہے کہ اس میں کراچی اور لاہور دونوں شہروں کے بہترین ڈیزائنرز کو شامل کیا گیا، اس سے قبل یہ ڈیزائنرز دوسرے شہروں میں اپنی کلیکشن ریمپ پر پیش ضرور کرچکے ہیں، تاہم پہلی مرتبہ دوسرے شہروں کے ڈیزائنرز کے ساتھ انہوں نے گروپ بنا کر کام کیا۔

ہم شوکیس کے پہلے روز ان ڈیزائنرز نے اپنی کلیکشن سے شائقین کا دل جیت لیا۔