عیسائی برادری نے پاکستان بھر میں ایسٹر کا تہوار مکمل روایتی اور مذہبی انداز میں منایا اور اس سلسلے میں چرچ میں خصوصی عبادات اور دیگر تقریبات منعقد ہوئیں۔

چرچ میں عبادات کے دوران پاکستان کی سلامتی اور ترقی کے لیے خاص دعاؤں کا اہتمام کیا گیا تھا۔

پنجاب کے صوبائی وزیر برائے انسانی حقوق و مذہبی امور خلیل طاہر سندھو نے عیسائی برادری کو ایسٹر کی مبارک باد دی اور کہا کہ برادری کو اس دن کی بڑی اہمیت ہے۔

ان کا کہنا تھا کہ ملک میں تمام اقلیتوں کو آئین پاکستان کے تحت برابر حقوق حاصل ہیں اور اس وقت حضرت مسیح کے پیار، امن اور قربانی کے سبق کو پھیلانے کی اشد ضرورت ہے۔