نئی پاکستانی فلم 'پرواز ہے جنون' کا پہلا ٹیزر ٹریلر سامنے آگیا ہے۔

یہ فلم پاک فضائیہ کو خراج تحسین پیش کرنے کے لیے بنائی جارہی ہے جس میں حمزہ علی عباسی فائٹر پائلٹ کے روپ میں مرکزی کردار ادا کررہے ہیں اور اس ٹیزر میں انہیں ایکشن میں دیکھا جاسکتا ہے۔

حمزہ علی عباسی کو ٹیزر میں ایسا فائٹر پائلٹ دکھایا گیا ہے جو تیزرفتاری پسند کرتا ہے۔

مزید پڑھیں : شفاعت علی کی فلمی دنیا میں انٹری

اس ٹیزر میں شاز خان کو حمزہ کے دوست پر دکھایا گیا ہے اور ان کی کیمسٹری کافی متاثر کن ہے۔

اس فلم میں احد رضا میر اور ہانیہ عامر بھی اہم کرداروں میں نظر آئیں گے تاہم ٹیزر میں ان کی جھلک دیکھنے میں نہیں آئی۔

اس فلم کو فرحت اشتیاق نے تحریر کیا ہے جبکہ دیار دل، من مائل اور دیگر متعدد ہٹ ٹی وی ڈراموں کے ڈائریکٹر حسیب حسن پہلی بار کسی فلم کی ہدایات دے رہے ہیں۔

یہ فلم عید الفطر پر ریلیز کی جائے گی۔

پاک فضائیہ کی مشترکہ پروڈکشن کے ساتھ بنائی جانے والی اس فلم میں شوبز کاسٹ کے ساتھ ساتھ پاک فضائیہ سے تعلق رکھنے والی شخصیات اور پائلٹس کو بھی دکھایا جائے گا۔

یہ بھی پڑھیں: عثمان خالد بٹ 'پرواز ہے جنون' سے باہر

خیال رہے کہ اس فلم میں عثمان خالد بھٹ کو بھی کاسٹ کیا گیا تھا تاہم بعدازاں فلم کی کاسٹ تبدیل کردی گئی اور ان کی جگہ احد رضا میر کو کاسٹ کیا گیا۔