بولی وڈ انڈسٹری اپنے مداحوں کو دنیا بھر میں موجود اپنے مداحوں کو ہر سال عید کی مبارکباد ضرور دیتی ہے اور اس سال بھی ایسا ہی ہوا۔

بڑے بڑے نامور بولی وڈ اداکاروں نے عیدالفطر کے موقع پر سوشل میڈیا کا سہارا لیتے ہوئے اپنے مداحوں کو عید کی خوشیوں کی مبارکباد دی۔

اب ستاروں میں شاہ رخ خان، انیل کپور، ورن دھون، کرن جوہر اور شردہا کپور شامل ہیں۔

خیال رہے کہ بولی وڈ اداکار شاہ رخ خان، عامر خان اور سلمان خان بھی ہر سال عید کے موقع پر اپنے مداحوں سے ملاقات کرنے کے ساتھ ساتھ میڈیا سے خصوصی بات چیت بھی کرتے ہیں۔

عید کی مبارکباد دینے کے علاوہ اس سال کئی اسٹارز نے اپنے مسلمان مداحوں کے لیے روزہ بھی رکھا تھا جن میں ورن دھون شامل ہیں۔

ٹوئٹر پر شاہ رخ خان نے اپنے چھوٹے بیٹے ابرام کی تصویر شیئر کرنے کے ساتھ مداحوں کو عید کی مبارکباد پیش کی۔

سدھارتھ ملہوترا نے بھی فینز کو عید کی مبارکباد دینے کے ساتھ ساتھ ہمیشہ خوش رہنے کا مشورہ دیا۔

انیل کپور نے دعا کی کہ اس عید کے ساتھ ساتھ تمام لوگ سکون سے رہیں اور ان کا دل اور گھر خوشیوں سے بھر جائے۔

ورن دھون نے عید کی مبارکباد دینے کے ساتھ ساتھ اپنی تصویر شیئر کی۔

کرن جوہر بھی عید کی مبارکباد دینے میں پیچھے نہ رہے۔

جبکہ شردہا کپور نے بھی اپنے مداحوں کی اچھی صحت، خوشیوں اور سکون کی دعا مانگی۔

خیال رہے کہ بولی وڈ بھی عید کی تیاریوں میں پیچھے نہیں رہتا، کہیں اداکارائیں اپنے فیشن سے سب کا دل جیتنے کی کوشش کرتی ہیں تو کہیں دیگر اسٹارز عید کے موقع پر اپنی فلموں کو ریلیز کرنے کے طور پر مداحوں کو یہ تحفہ دیتے ہیں۔